طالبان پاکستان‌نینگ کنر، خوست و پکتیکا‌گه اویوشتیرگن هوا هجوملرینی تصدیقله‌دی
طالبان سۉزلاوچیسی ذبیح‌الله مجاهد، پاکستان اوردوسی ینه بیر بار افغانستان‌نینگ اَیریم حدودلرینی هوا هجوملری بیلن نشانگه آلگنینی ایتدی.
مجاهد چهارشنبه کونی اېرته‌لب، ۲۰ جوزا، ایکس اجتماعی ترماغیده یازیشیچه، اوشبو هجوملرده کنر، خوست و پکتیکا ولایتلریده‌گی تینچ اهالیگه تېگیشلی اویلر بامباردمان قیلینگن.
اونینگ سۉزلریگه کۉره، اوشبو هجوملر عاقبتیده ۱۱ نفر باله، بیر عیال و بیر کېکسه اېرکک جان بېرگن، ینه ۱۴ نفر عیال و باله یره‌لنگن.
طالبان سۉزلاوچیسی بو هجوملرنی «انسانیتگه قرشی جنایت» و «تجاوز» دېب اته‌ب، اولرنی کېسکین قاره‌له‌گن.
مجاهدنینگ قۉشیمچه قیلیشیچه، پاکستان اوردوسی افغانستان هوا حدودینی بوزیب کیرگن حالده اوشبو هجوملرنی عملگه آشیرگن.
بو شونده‌ی بیرحالده دیر که پاکستانلیک منبعلر بوندن آلدین اوشبو مملکت‌نینگ هوا هجوملری افغانستاندهگی ترورچی گروهلرگه علاقه‌دار مرکزلر و انشااتلرنی نشانگه آلگنینی بیلدیرگن اېدی.
