پاکستان‌نینگ افغانستانگه هوا هجوملری؛ یوناما کېسکین‌لیکلر تېزلیک بیلن کمه‌یتیریلیشینی سۉره‌دی
۸صبح، کابل: بیرلشگن ملتلر تشکیلاتی‌نینگ افغانستاندهگی یاردم هیاتی (یوناما) پاکستان‌نینگ افغانستانگه هوا هجوملری آرتیدن تېزلیک بیلن کېسکینلیکنی کمه‌یتیریشگه چقیرگن.
یوناما، پنجشنبه کونی، ۲۱ جوزا، ایکس صحیفه‌سیده پاکستان‌نینگ کنر، خوست و پکتیکا ولایتلریگه قیلگن هوا هجوملری نتیجه‌سیده ۱۳ کیشی‌نینگ، جمله‌دن باله‌لر و عیاللرنینگ جان بېرگنینی حجتلشتیرگنینی یازگن.
یوناما گه کۉره، اوشبو هجوملر عاقبتیده ینه ۱۰ کیشی یره‌لنگن.
بیرلشگن ملتلر تشکیلاتی‌نینگ افغانستاندهگی یاردم هیاتی بیلدیریشیچه، شرقی افغانستاندهگی هوا هجوملری قربانلری نینگ اکثریتی عیاللر و باله‌لر دیر.
یوناما برقرار اۉت آچیشنی تۉخته‌تیش، تینچ اهالینی حمایه قیلیش و اینیقسه انسانپرورلیک یاردم یېتکزیش اوچون چېگره اۉتیش یۉللرینی قَیته آچیشگه چقیرگن.
یوناما شونینگدېک طالبان و پاکستاندن اۉز-ارا کېلیشماوچیلیکلرنی مذاکره آرقه‌لی حل قیلیشنی سۉره‌گن.
ایکّی کون آلدین پاکستان‌نینگ کنر، خوست و پکتیکاگه قیلگن هوا هجوملریدن سۉنگ طالبان ۱۳ کیشی نینگ، جمله‌دن عیاللر و باله‌لرنینگ جان بېرگنی همده ینه ۱۴ کیشی یره‌لنگنینی معلوم قیلگن اېدی.
بیراق پاکستان اوشبو هجوملرده تینچ اهالی قربانلری بۉلگنینی رد اېتیب، ترورچی گروهلرگه تېگیشلی مرکزلر و قوریلمه‌لر نشانگه آلینگنینی بیلدیرگن.
