پاکستان ملی تجارت گروهی: افغانستان توپراغی اسلام‌آباد گه قرشی فایده‌لنیله‌دی
۸صبح، کابل: پاکستان ملی تجارت گروهی باشلیغی و سوداگرلر و بیلرمان‌لر اۉیوشمه‌سی باشلیغی میان زاهد حسین، پاکستانده چین خادم‌لری گه شبه‌نظامی‌لر نینگ سۉنگی هجوم‌لری گه اشاره قیلیب، طالبان حاکمیتیده افغانستان توپراغی اسلام‌آباد گه قرشی فایده‌لنیلماقده‌لیگینی اېتگن.
زاهد حسین ۱۹ حمل، یک‌شنبه کونی طالبان بیر تاماندن اسلام‌آباد بیلن تجاری مناسبتلری یخشی بولیشگه اېنتیلماقده و باشقه تاماندن افغانستان توپراغی پاکستان گه قرشی فایده‌‌لنیلماقده دیگن.
او حاضرگی قلتیس شرایط ده طالبان نینگ پاکستان بیلن سوداگرلیک آلیش-بیریش شرطنامه امضالش امیدوارلیگینی بی‌معنا دیب اته‌گن.
پاکستان سوداگرلر و بیلرمان‌لر اۉیوشمه‌سی باشلیغی نینگ کوپه‌یتیریشیچه: «تروریست‌لر ایچکی و خارجی سرمایه یاتقیزووچیلرنی قورقیتیش بویروغینی اېزله‌یدیلر.»
بی‌آر گزارشی اساسیده، افغانستانده چین سرمایه یاتقیزووچیلری تینچ، لېکن پاکستانده ناتینچ دیه اورغوله‌گن، زاهد حسین.
او بیجینگ دن، پاکستان ده «تروریسم» وهیمه‌لری گه چېک قوییش اوچون اسلام‌آباد بیلن همکارلیک قیلیشینی اېسته‌گن.
ایتیش کېره‌ک که خیبر پختون‌خواه ایالتیده چین خادم‌لری موتری گه اۉیوشتیریلگن هجومدن سۉنگ، پاکستان تروریسم گه قرشی کوره‌ش مرکزی بو هجوم افغانستان‌لیک بیر فقرا تامانیدن اۉیوشتیریلگنینی ادعا قیلگن اېدی.
اوشبو مرکز نینگ معلوماتی اساسیده، پارتلش ماده ییرلشتیریلگن اوشبو موتر افغانستانده تیارلنیب و چمن چېگره یولی آرقه‌لی پاکستان گه آلیب باریلگن.
مذکور هجوم ده بیش چین‌لیک انجنیر هلاک بولگن اېدیلر.
طالبان پاکستانده چین خادم‌لری موتری گه اۉیوشتیریلگن هجوم گه مناسبت بیلدیریب، بو هجومنی منطقه مملکتلر نینگ مناسبتینی ضعیف‌‌لشتیریش اوچون اۉرینیش اته‌گندیلر.
