«پولیوسیز افغانستان»: ساغلیقنی سقلش خدمتلریدن محروم بۉلگن باله‌لر اېملش کمپاینیده استوار حسابلنه‌دی
۸صبح، کابل: «پولیوسیز افغانستان» تشکیلاتی معلوم قیلیشیچه، تېزکار کۉپ واکسین‌لی اېملش کمپاینیده (MAAC) حاضرگچه بیرارته هم واکسین آلمه‌گن یاکه اَیریم واکسین تامچی‌لری توگللنمه‌گن باله‌لر استوار حسابلنه‌دی.
مذکور تشکیلات یک‌شنبه کونی، ۱۱-اسد، ایکس صحیفه‌سیده یازیشیچه، تورلی سببلرگه کۉره، جمله‌دن، اوزاق مصافه، کۉچیریلیش، مهاجرت یاکه ساغلیقنی سقلش خدمتلریدن فایده‌لنه آلمسلیک طفیلی اېملنمه‌ی قالگن باله‌لر اوشبو دستورگه کیریتیله‌دی.
«پولیوسیز افغانستان» تشکیلاتی، قۉشیمچه قیلیشیچه، اوشبو کمپاین دایره‌سیده منتظم اېملش دستوریده‌گی واکسین‌لر‌نینگ بیرارته‌سینی هم آلمه‌گن باله‌لر انیقلنیب، اېملنه‌دی.
مذکور تشکیلات‌نینگ بیلدیریشیچه، بېلگیلنگن واکسین تامچی‌لری ایچیدن بیر یاکه بیر نېچته‌سی قالیب کېتگن باله‌لر هم اوشبو امکانیتدن فایده‌لنیشلری ممکن.
«پولیوسیز افغانستان» عایله‌لردن حاضرگچه هېچ قنده‌ی واکسین آلمه‌گن یاکه واکسین تامچی‌لری تۉلیق یکونلنمه‌گن باله‌لرنی اېملش خدمتلرینی آلیش اوچون تېگیشلی مرکزلرگه آلیب باریشنی سۉره‌دی.
