افغانستان اینترنشنال یېتکرمه‌سی بیلن همکارلیک نی تقیق‌لش گه مناسبت؛ «دنیا همجمعیت طالبان گه باسیم کېلتیریشی کېره‌ک»
۸صبح، کابل: ژورنالیست‌لر و یېتکرمه‌لرنی قۉللب-قوتلاوچی نهادلردن بیرقطاری «افغانستان اینترنشنال» یېتکرمه‌سی بیلن اهالی و سیاسی ایش بیلرمان‌لر نینگ همکارلیگی تقیق‌لنیشی گه مناسبت بیلدیریب ایتیشلریچه، طالبان بو حرکتلری بیلن آچیق و آیدین طرزده افغانستان برچه خلقی نینگ حقوقینی «ایاغ آستی» قیلگن.
اروپا و شمالی امریکا ده سورگونده بولگن افغانستان ژورنالیست‌لری ۲۰ ثور، جمعه کون بیر بیانیه ترقه‌تیب بیرلشگن ملتلر تشکیلاتی و خلق‌ارا نهادلردن، افغانستانده یېتکرمه‌لر طالبان نینگ استخباراتی اویین قربانی بولمسلیکّه یول قویمسلیکلرینی اېسته‌گنلر.
بیانیه ده کېلیشیچه: «طالبان باشقه بشری جنایت‌لری گه قۉشیمچه، بو مرته کېنگ کولمده افغانستان خلقی نینگ حقینی ایاغ آستی قیلیش گه قول اۉرگن.»
عین‌حالده، «سۉز ایرکین‌لیگی اویی» طالبان تامانیدن یېتکرمه‌لر گه باسیم کېلتیریلیشینی «مملکت نینگ قانون-قاعده‌لری» گه قرشی اته‌گن.
بیانیه ده کېلیشیچه: «دنیا همجمعیت و ایرکین یېتکرمه‌لر نی قۉللب-قوتلاوچی نهادلر دن حاضرگی قلتیس شرایط ده افغانستان خلقی و یېتکرمه‌لرنی قۉللب-قوتلب و طالبان افغانستان خلقی نینگ اجتماعی حقوقی گه حرمت قیلیش اوچون اولر گه هر قنده‌ی یول آرقه‌لی باسیم کېلتیریشنی اېسته‌یمیز.»
ایتیش کېره‌ک که طالبان معلومات و مدنیت وزیرلیگی نظارتی آستیده یېتکرمه‌لر نینگ شکایت‌لری و خطالرینی تېکشیریش کمیسیون، «افغانستان اینترنشنال» رادیو و تلویزیونی بیلن همکارلیک نی تقیق‌لب و اهالی دن اوشبو یېتکرمه بیلن علاقه‌لرینی کېسیشنی سۉره‌گن.
اوشبو کمیسیون افغانستان اینترنشنال تلویزیونی نی «اهالی و حقوقی کیشی‌لر نینگ خصوصی حریمینی نقض اېتیش، شخصیت‌کش‌لیک، اطلاعات نی تحریف قیلیش و اېتینک، تیل و منطقه‌وی تعصب‌لر گه قول اوریش» گه عیبله‌گن.
طالبان نینگ بو حرکتی ژورنالیست‌لر و یېتکرمه‌لر نی قۉللب-قوتلاوچی نهادلر نینگ جدی مناسبتی بیلن دوچ بولگن.
