طالبان‌نینگ عالی اوقوو وزیرلیگی‌گه قره‌شلی مذهبی نهاد دکترا درجه‌سی ترقه‌تماقده
۸صبح، کابل: منبع‌لر بیلدیریشیچه، «عبدالله بن مسعود جمعیتی» ناملی، طالبان نینگ عالی اوقوو وزیرلیگی‌گه قره‌شلی مذهبی نهاد، اوشبو گروه اعضالری‌گه دکترا درجه‌سینی ترقه‌تماقده.
منبع‌لر، ۹- دلو، پنجشنبه کونی، بو نهاد نه‌فقط دکترا درجه‌سینی ترقه‌تیشینی، بلکه اۉقوو مؤسسه‌لریده‌گی شرعیات اۉقیتووچیلرینی بېلگیلشینی هم معلوم قیلگن.
اولر نینگ ایتیشیچه، شرعیات اۉقیتووچیلری نینگ اعتقادینی بهالش و اولرنی ایشدن بۉشه‌تیش هم عیناً شو نهاد تامانیدن عمل‌گه آشیریله‌دی.
مذکور تشکیلات اۉقوو بۉلیملری، کتابخانه و «فاضلان» طلبه‌لری اوچون درس اۉتیش جایی‌گه اېگه دیر.
تشکیلاتدن آلینگن بیر تصدیقنامه شونی کۉرسته‌دیکی، بیر طلبه تۉرت سمسترنی توگتگه‌چ، افتاء و قضاء، بۉلیمیده دکترا رساله‌سینی یازیشگه کیریشگن.
معلوم اېمس، بو تشکیلات دکترا درجه‌سینی قنده‌ی معیارلرگه اساسلنیب بېره‌دی.
بوندن آلدین هم طالبان جنگچیلری اوچون، بیر اۉقوو کرسینی توگه‌تگه‌چ ماسترلیک درجه‌سی بېریلیشی حقیده خبرلر ترقه‌لگن اېدی.
