بیرلشگن ملتلر تشکیلاتی اهالینی قۉللب-قوتلش صندیغی: روحی-اجتماعی قۉللب-قوتلش عیاللر نینگ حالتینی یخشیلشگه یاردم بېره‌دی
۸صبح، کابل: بیرلشگن ملتلر تشکیلاتی اهالینی قۉللب-قوتلش صندیغی (UNFPA) ایتیشیچه، روحی-اجتماعی قۉللب-قوتلش خدمت‌لری، اینیقسه قیین تورموش و مهاجرلیک شرایطیده یشاوچی عیاللر اوچون، روحی سلامتلیکنی یخشیلش و عیال‌لرنی قدرتلنتیریشده مهم اهمیت‌گه اېگه بۉلیشی ممکن.
تشکیلات، ۲- دلو، پنجشنبه کونی، معلوم قیلیشیچه، عایله‌وی باسیملر و عنعنوی چېکلاولر تأثیری آستیده بۉلیب، تحصیل یاکه ایشگه چېکلنگن کیریش امکانیتیگه اېگه بۉلمگن عیاللر افسرده‌لیک، خواطر و اجتماع دن اجرلیش کبی معمالرگه دوچ کېلماقده.
گزارش‌گه کۉره، عیاللر و باله‌لر اوچون مخصوص مرکزلر فردی و گروهی مصلحت خدمتلرینی تقدیم اېتیش آرقه‌لی روحی سلامتلیکنی یخشیلش، عیاللر نینگ اۉز-اۉزینی قدرلش و ملکه‌سینی آشیریشده یاردم بېرگن.
بیرلشگن ملتلر تشکیلاتی اهالیسینی قۉللب-قوتلش صندیغی تأکیدلشیچه، بونده‌ی خدمتلرگه کیریش فقط عیاللر نینگ روحی سلامتلیگینی یخشیلب قالمیدی، بلکه عایله‌وی مناسبت‌لر و اجتماعی فعالیتده‌گی اشتراکینی هم مستحکملیدی.
