ریچادر بنت ناروی ده «افغان فعاللری» بیلن اوچره‌شگنیدن خبر بیردی
۸صبح، کابل: افغانستانده بیرلشگن ملتلر تشکیلاتی نینگ انسان حقلری مخصوص گزارشگری ریچارد بنت، ناروی ده «افغان فعاللری»دن بیرقطاری بیلن ایکّی کون‌لیک ییغیلیش بولیب اۉتگنیدن خبر بیرگن.
بو ییغیلیش ۲۵ ثور، سه‌شنبه کونی اسلو شهری ده انسان حقلری تدقیقات اۉیوشمه‌سی میزبان‌لیگی بیلن بولیب اۉتگن.
ریچارد بنت ناروی ده افغانستان مدنی جماعه‌چیلیک فعاللری و فقرالری بیلن اوچره‌شوولرنی مثبت اته‌ب و عیال فعاللریدن الهام آلگنینی بیلدیرگن.
عین‌حالده، انسان حقلری تدقیقات اۉیوشمه‌سی گه کوره، اوشبو ییغیلیشده ریچارد بنت افغانستانده خاتین قیزلر نینگ حقوقی، انسان حقلری نقض اېتیلیشی خصوصیده جواب‌گرلیک، باله‌لر و کېله‌جک نسل اوستیگه اوروش تاثیری مسئله‌لرینی بحث گه آلگنلر.
افغانستانده بیرلشگن ملتلر تشکیلاتی انسان حقلری مخصوص گزارشگری، اۉتگن کونگی اسلو ییغیلیشیده طالبان وکیللری نینگ حضوری حقیده هېچ نرسه دیمه‌گن، بیراق منبعلر بو ییغیلیشده طالبان رسمی‌لریدن بیرقطاری چقیریلگنینی معلوم قیلگنلر.
عیال حقوقی فعاللریدن بیرقطاری اسلو ییغیلیشیده طالبان وکیللری چقیریلیشی گه مناسبت بیلدیریب، اۉتگن کون ناروی تشقی ایشلر وزیرلیگی یقینیده ناراضی‌لیک بیلدیرگن اېدیلر.
اولر نینگ ایشانچی گه کوره، طالبان «تروریستی» بیر گروه دیر و دنیا مملکتلری بو گروه بیلن مذاکره قیلمه‌ی و اونی تن آلمسلیکلری کېره‌ک.
