رینا امیری: طالبان نینگ افراطیتچیلیک سیاست‌لری منطقه ده عیاللر حقوقی اوچون تهدید دیر
امریکا نینگ افغانستانده خاتین قیزلر ایشلری بوییچه مخصوص وکیلی رینا امیری، مملکت ده خاتین قیزلر و انسان حقلری قۉللب-قوتلنیش اهمیتی اۉستیگه تاکیدله‌گن.
امیری بو سوزلرنی ۲۷ دلو، جمعه کونی بیرلشگن ملتلر تشکیلاتی باش کاتبی نینگ اورین باسری امینه محمد بیلن اوچره‌شوو ده بیان قیلگن.
اونینگ کوپه‌یتیریشیچه: «افغانستان خاتین قیزلری گه قرشی طالبان نینگ افراطیتچیلیک سیاست‌لری، منطقه ده عیاللر حقوقی اوچون تهدید دیر.»
ینگی‌لیکده افغانستانده بیرلشگن ملتلر تشکیلاتی نینگ اورین باسرلیک هیأت دفتری (یوناما) ینگی گزارشینی ترقه‌تیب ایتیشیچه، افغانستانده ۷۰ فایز عیاللر طالبان تامانیدن قییناق‌لنیشیدن قورقه‌دیلر.
بو گزارش اساسیده، افغانستاندهگی ۶۷ فایز عیاللر نینگ ایشانچی گه کوره، طالبان تن آلینگن حالده عیاللر گه قرشی چیکلاولرنی آشیریب و انسان حقلری انقراضی کوچه‌یشی ممکن.
بونگه قوشیمچه، بیرلشگن ملتلر تشکیلاتی و خلق‌ارا بیر قطار نهادلر نینگ ایش بیلرمان‌لری، طالبان نینگ عیاللر بیلن یانده‌شووی «بشریت گه قرشی جنایت» دیر و «جندر آپارتاید» اوله‌راق تیکشیریلیشی ممکن دیگنلر.
