ننگرهارده اوی تامی‌نینگ قوله‌شیدن بیر عایله نینگ یېتی اعضاسی هلاک بۉلدی
۸صبح، کابل: ننگرهار ولایتیده‌گی طالبان محلی مسوول‌لری بیر اوی‌نینگ تامی قوله‌ب توشیشی عاقبتیده، بیر عایله نینگ یېتی اعضاسی هلاک بۉلگنینی معلوم قیلدی.
ننگرهارده‌گی طالبان اخبارات و مدنیت باشقرمسی اخبارات بۉلیمی آمری، قریشی بدلون نینگ ایتیشیچه، حادثه، ۸- دلو، چهارشنبه کېچه‌سی، جلال آباد شهریده صادر بۉلگن.
اونگه کۉره، واقعه جلال آباد شهری نینگ یېتینچی ناحیه‌سیگه قره‌شلی«غوچکو» حدودیده یوز بېرگن.
مذکور حادثه عاقبتیده ینه بیر کیشی تن جراحتی آلگن.
قریشی، قربان‌لر آره‌سیده عیال‌لر و باله‌لر هم بارلیگینی قۉشیمچه قیلگن.
اوی نینگ تامی نیمه سببدن قولگنی حاضرچه انیقلنمگن.
طالبان معلوماتی‌گه کۉره، سۉنگگی یاغاینگرچیلیکلر عاقبتیده مملکت نینگ ۱۵ ولایتیده ۶۰دن آرتیق کیشی هلاک بۉلگن.
