منبعلر: طالبان افغانستان جنوبیده پولیاگه قرشی اویمه-اوی اېملشگه رخصت بېرمه‌یپتی
۸صبح، کابل: محلی منبعلر طالبان‌نینگ افغانستان جنوبی حدودیده پولیوگه قرشی اویمه-اوی اېملشنی اۉتکزیشگه قۉیگن چېکلاوی بیر قطار باله‌لر‌نینگ اوشبو واکسین‌نی آلیش امکانیتینی قیینلشتیرگنینی اَیتماقده.
منبعلر شنبه کونی، ۷ سنبله، ۸صبح گزېته‌سیگه بېرگن صحبتیده طالبان حاکمیتنی اېگه‌لله‌گنیدن سۉنگ قندهار، هلمند، ارزگان و زابل ولایتلریده اویمه-اوی اېملش تۉخته‌تیلگنی و حاضر پولیوگه قرشی واکسین مسجددن مسجدگه اۉتکزیله‌یاتگنینی اَیتدی.
جَنوبی حدودده‌گی اېملش بۉلیمیدن بیر منبع اوشبو چېکلاو نتیجه‌سیده بو حدودده‌گی باله‌لر‌نینگ ۳۰–۳۵ فایزی پولیوگه قرشی واکسین‌دن محروم بۉلیشینی دعوا قیلماقده.
اوشبو ولایتلر اهالیسی طالبان‌نینگ بو قراری سبب واکسین بیر قطار باله‌لرگه تۉغری و تۉلیق یېتیب بارمه‌یاتگنینی اَیتماقده.
منبعلر قۉشیمچه قیلیشیچه، اېملش دستوری مسوووللری طالباننی اویمه-اوی اېملشنی عملگه آشیریشگه کۉندیریش اوچون بیر نېچه بار حرکت قیلگن.
منبعلرگه کۉره، طالبان اېملش مسووللریگه اوشبو گروه رهبری ملا هیبت‌الله «خوفسیزلیک سببلری» طفیلی اوشبو حدودده اویمه-اوی اېملشنی عملگه آشیریشگه رخصت بېرمه‌یاتگنینی اَیتگن.
