ایکّی کوریانینگ کېلیشوو تۉخته‌تیلیشی؛ پیونگ‌یانگ جنوبی کوریا چېگره‌سیده آغیر قوراللرنی جایلشتیرگن
هر ایکّی کوریانینگ حربی کېلیشووی تۉخته‌تیلیشی آرتیدن، جنوبی کوریا پیونگ‌یانگ کۉپراق کوچلر و آغیر قوراللرنی بو مملکت بیلن چېگره حدودده یېرلشتیرگن دېب ایتماقده.
یونهاپ خبرگزارلیگی ۲۷- نوامبر دوشنبه کونی بو حقده‌گی خبرنی جنوبی کوریا دولتی نینگ ایکّی منبعیگه اساسلب نشر قیلگن.
جنوبی کوریانینگ بلند مرتبه‌لی رسمیلری، حربی کوچلر و آغیر قورال اسلحه‌لر شمالی کوریانینگ چېگره پوسته‌لریده جایلشتیریلگن دېب ایتیشماقده‌لر.
شمالی کوریا ۲۴- نوامبر جمعه کونی جنوبی کوریا بیلن کېلیشیگن بیرچه حربی شرطنامه‌لرنی بېکار قیلگنی ایتیله‌دی.
شمالی کوریا مدافعه وزیرلیگی سیول بیلن چېگره‌ده‌گی کېسکینلیکنی یومشه‌تیش بۉییچه ۲۰۱۸-ییلده امضالنگن کېلیشوو دایره‌سیده تۉخته‌تیلگن برچه حربی عملیاتلرنی قیته‌دن باشلشینی معلوم قیلدی.
جنوبی کوریا هم شمالی کوریا آرقلی جاسوسی ماهواره فضاگه یوباریلگنی باره‌سیده اعتراض بیلدیریب بو کېلیشوو بېکار قیلینیشینی اعلان قیلگن اېدی.
هر ایکّی مملکت اۉرته‌سیده‌گی جنجاللر پیونگ‌یانگ نینگ فضاگه حربی ماهواره‌نی یوباریش سعی وحرکتلری آرتیدن کۉپه‌یگن.
شمالی کوریا مرکزی خبرگزارلیگی ۲۲- نوامبر چهارشبنه کونی، بو مملکت یقین کېله‌جکده بیر نېچه‌ته باشقه هم جاسوسلیک ماهواره فضاگه یوباریش مقصدیده اېکنینی اعلان قیلدی.
