روسیه و شمالی کوریا اقتصادی همکارلیکلرنی کېنگه‌یتیریشنی محاکمه قیلدیلر
شمالی کوریا دولت عامه‌وی اخبارات واسطه‌لری بو دولت رسمیلری و روسیه هیاتی‌نینگ ایکّی دولت اۉرته‌سیده‌گی اقتصادی و تکنالوژی همکارلیکنی کېنگه‌یتیریش باره‌سیده‌گی مذاکره‌لری حقیده خبر بېردی.
کی‌سی‌ان‌ای نینگ ۱۵-نوامبر، چارشنبه‌گه اۉتر کېچه‌سی خبر بېریشیچه، بو مذاکره‌لر روسیه و شمالی کوریا رهبرلری اېریشگن کېلیشوولرنی عملگه آشیریش مقصدیده اۉتکزیلگن.
عاموی اخبارات واسطه‌لری‌نینگ گزارش بیریشیچه، اوشبو اوچره‌شووده تورلی ساحه‌لرده ایکّی تامانله‌مه و کۉپ تامانله‌مه همکارلیکنی جانلنتیریش و کېنگه‌یتیریش بۉییچه ضرور چاره-تدبیرلر، جمله‌دن، تجارت، اقتصاد، علم-فن و تکنالوژی مسأله‌لری محاکمه قیلیندی.
ایکّی دولت اوشبو اوچره‌شوو پروتکل تفصیلاتلرینی آشکار قیلمسدن امضاله‌دی.
شو بیلن بیرگه، شمالی کوریا یېتکچیسی کیم چېن اون‌نینگ جاری ییل سپتمبر آییده روسیه‌گه تشریفیدن سۉنگ مسکو و پیونگ‌یانگ اۉرته‌سیده‌گی همکارلیک تورلی درجه‌لرده کوچه‌یدی.
مسکو و پیونگ‌یانگ اۉرته‌سیده‌گی همکارلیک نینگ کوچه‌ییشی آرتیدن امریکا رسمیلری شمالی کوریا اوکراین بیلن اوروشده فایده‌لنیش اوچون روسیه‌گه حربی تخنیک یېتکزیب بېریشینی ینه بیر بار تاکیدله‌دی. بو دعوا هر ایکّی دولت تامانیدن کېسکین رد اېتیلگن.
