بیرلشگن ملتلر تشکیلاتی کوریا مالی یاردمی بیلن افغانستانده۱۰ میلیون دالرلیک لایحه باشلدی
۸صبح، کابل:بیرلشگن ملتلر تشکیلاتی نینگ ترقیات دستوری (UNDP) کوریا دولتی مالی یاردمی بیلن افغانستانده فوق العاده حالتلرده ضعیف جماعه‌لرنی قۉللب-قوتلش مقصدیده ایش ا‌ۉرینلری یره‌تیش و مهم توزیلملی تیکلش لایحه‌سینی عملگه آشیریشنی باشله‌دی.
اوشبو تشکیلات سه‌شنبه کونی، ۲۱-اسد، ایکس صحیفه‌سیده اعلان قیلگن معلوماتده کوره، مذکور لایحه ۲۰۲۵ییل جولایدن ۲۰۲۶ ییل جولایگچه بدخشان، زابل، دایکندی، فاریاب، خوست و ننگرهار ولایتلریده عملگه آشیریله‌دی.
بیرلشگن ملتلر تشکیلاتی گه کۉره، مذکور لایحه بودجه‌سی۱۰ میلیون دالرینی تشکیل اېتیب، ۳۵۰ مینگدن زیاد انسان‌نی قمره‌ب آله‌دی.
افغانستاندهگی بیرلشگن ملتلر تشکیلاتی ترقیات دستوری نینگ وکیلی استفان رودریگز، اساسی توزیلمه، ایش ا‌ۉرینلری و محلی چیدملیلیککه سرمایه کیریتیش آرقه‌لی مقصدیمیز جماعه‌لرگه کېله‌جک اوستیدن نظارتنی قیته تیکلش و فرصتلرنی برقرار همده اوزاق مدتلی امکانیتلر یره‌تیشگه یاردم بېریشدیر دیب ایتدی.
کوریا نینگ افغانستاندهگی وکیللیگی باشلیغی وظیفه‌سینی بجرووچی سونگ هوان مون نینگ تاکیدلشیچه، افغانستان خلقی، اینیقسه عیاللر، باله‌لر و قاچقینلر احوالینی یخشیلش اولر نینگ انسانپرورلیک همکارلیکده‌گی اساسی استوار یۉنه‌لیشی بۉلیب قالماقده دیر.
معلوماتلرگه کۉره، لایحه نینگ اساسی مقصدی ، محلی درجه‌ده فوق العاده ایش ا‌ۉرینلری یره‌تیش، اساسی زیربنالرنی تیکلش، آزیق-آوقت خوفسیزلیگینی یخشیلش، عیاللرنی قوتلنتیریش و قیتگن قاچقینلرنی قۉللب-قوتلش دیر.
