طالبان رهبری نینگ هییت مناسبتی بیلن پیامی: وعده میزگه توخته‌گن‌میز، افغانستان حریمی گه دقت قیلینگ
۸صبح، کابل: مملکت نینگ بیرقطار ولایت‌لری فضاسیده اوچووچی‌سیز اوچاقلر نینگ اېلنیشی خصوصیده گزارشلر ترقه‌لیشی بیلن، طالبان ییتکچیسی هبت‌الله آخوندزاده، افغانستان فضاسیده اوچووچی‌سیز اوچاقلر نینگ اېلینیشی گه اشاره قیلمسدن، بو گروه «افغانستان حریمی، منفعتی و شانی» گه دقت قیلینیش گه امید بیلدیرماقده‌لیگینی اېتگن.
طالبان ییتکچیسی ۱۸ حمل، شنبه کونی هییت بیرمی مناسبتی بیلن پیامیده، مملکتلردن طالبان حاکمیتیده افغانستان حریمی گه حرمت قیلیشلری گه تاکیدله‌گن.
اونگه کوره، طالبان «قانون-قاعده‌لری و اسلوب‌لری و اۉز ارا حرمت اساسیده هر کیم بیلن حسنه مناسبتی بار و باشقه تامان‌لردن بو نیت و یخشی اراده‌نی گمان بیلن کورمسلیکنی اېسته‌یدی.»
طالبان رهبری نینگ کوپه‌یتیریشیچه: «وعده‌لریمیز گه توخته‌گن میز و اولردن هم افغانستان نینگ حریمی، منفعتی و شانی گه حرمت قیلیب و بیز کبی یخشی مناسبت قوریش آرتیده بولیشلرینی سۉره‌یمیز.»
بو گروه منطقه ده‌گی برچه مملکتلر بیلن دیپلماتیک و اقتصادی مناسبتی بولیشگه تلاش قیلماقده دېدی، طالبان رهبری هبت‌الله آخوندزاده.
شونینگدیک او، تورلی مملکتلردن اوشبو گروه بیلن مناسبت‌لرینی کېنگه‌یتیریب و ایکّی تامانلمه ایشانچ قوریب و همکارلیک روحیه اساسیده پالیس‌لرینی آلغه آلیب باریش‌لرینی اېسته‌گن.
طالبان رهبری اوشبو گروه تشقی ایشلر وزیرلیگی گه، برچه مملکتلر اینیقسه «اسلام عالمی» بیلن ایشانچ فضا یره‌تیش بویروغینی بیرگن.
سۉنگی کونلرده بیرقطار ولایتلر جمله‌دن قندهار فضاسیده اوچووچی‌سیز اوچاقلر اېلنیشی خصوصیده اېریم گزارشلر ترقه‌لگن.
بو اوچاقلر قیسی مملکت گه منسوب‌لیگی بیللی بولمسه ده، بیراق طالبان سۉزلاوچیسی ذبیح‌الله مجاهد اۉتگن هفته چهارشنبه کونی امریکا نی افغانستان هوا حریمینی نقض قیلیشگه عیبله‌گن.
۱۶حمل، پنج‌شنبه کونی قندهارده‌گی منبعلر، طالبان رهبری اوچووچی‌سیز اوچاقلر نینگ احتمالی هجومیدن قورقیب و قندهار ده بو گروه نینگ ۲۰۵ قول اردوسی خوفسیزلیک کمپی گه انتقال بیرگنینی اېتگندیلر.
