اسراییل نینگ عرب مملکتلری گه پیامی: ایران گه هجوم منطقه نی ناتینچ قیلمه‌یدی
اسراییل «کان ۱۱» تلویزیونی، اسراییل اۉرته شرق ده‌گی بوتون عرب مملکتلری گه پیام یوللـه‌گنیدن خبر بیرگن.
۱۶ اپریل سه‌شنبه کونی ترقه‌لگن اوشبو گزارش اساسیده، اسراییل ایران نینگ بو مملکت گه راکته و پهپادی هجومی گه، اولر نینگ مملکتلری یا که دولتلرینی خوف بیلن دوچ قیله‌دیگن جواب قیترمه‌یدی.
اۉرته شرق ده‌گی عرب مملکتلریدن بیرقطاری اینیقسه اردن مستقیم یا نامستقیم شکلده ایران نینگ سۉنگی هجوملری برابریده اسراییل نی دستکله‌گنلر.
عین‌حالده، اردن اردوسی هوا هجوملرینی آلدینی آلیش و اوشبو مملکت آسمانیدن دفاع قیلیش اوچون هوا کوچلرینی کوچلنتیرگن.
عین‌حالده، امریکالیک یېتکرمه‌لردن بیرقطاری اسراییل منطقه ده ایران نینگ نیابتی کوچلری گه قرشی هجوم قیلیش بیلن تینه‌دی.
امریکا نینگ تورت عملداری ان‌بی‌سی‌نیوز گه ایتیشلریچه، اسراییل نینگ ایران گه احتمالی هجومی «محدود» و اوشبو مملکتدن تشقری تهران حمایت قیله‌دیگن کوچلر یا که بو مملکت نینگ منفعت‌لری و احتمالاً سوریه ده بولیشی ممکن.
