آزادلیک جبهه‌سی بغلان ولایتیده طالبانگه هجوم قیلگنی حقیده خبر بېردی
۸صبح، بغلان: افغانستان آزادلیک جبهه‌سی بغلان ولایتی‌نینگ بنوی اندراب اولسواللیگیده طالبان‌نینگ گزمه گروهی خادملریگه اونینگ کوچلری تامانیدن هجوم اویوشتیریلگنی حقیده خبر بېردی.
بو جبهه جمعه آقشامی، ۳۰ اسد، ایکس صحیفه‌سیده یازیشیچه، طالبان‌نینگ گزمه خادملریگه هجوم بنوی اندراب اولسواللیگی‌نینگ میروا قیشلاغیده عملگه آشیریلگن.
آزادلیک جبهه‌سی اَیتیشیچه، بو هجومده کمیده ایکّی نفر طالبان جنگچیسی اۉلدیریلگن و ینه بیر کیشی یره‌لنگن.
اَیتیلیشیچه، بو هجومده آزادلیک جبهه‌سی کوچلریگه ضرر یېتمه‌گن.
بوندن آلدین، آزادلیک جبهه‌سی بدخشان ولایتی‌نینگ زیباک اولسواللیگیده هم طالبان گروهی بیلن کوچلی تۉقنه‌شوولر دوام اېته‌یاتگنی حقیده خبر بېرگن.
سۉنگگی هفته‌لرده مملکت‌نینگ تورلی حدودلریده طالبان گروهی جنگچیلریگه قرشی هجوملر کۉپه‌یگن.
