یمن دولتی: امریکا و بریتانیا نینگ حوثی‌لر گه هجومی عاقبتیده ۱۱ کیشی هلاک بولدی
یمن دولتی سۉزلاوچیسی گه کوره، امریکا و بریتانیا نینگ حربی ایتلافی اوشبو مملکت غربی ده‌گی بندرلر، شهرچه‌لر و حوثی‌لر نینگ مرکزلرینی هوا آرقه‌لی نشانگه آلگن.
رویترز نینگ گزارشی اساسیده، یمن ده امریکا و بریتانیا نینگ ۱۱ مارچ، دوشنبه کونگی هجوم‌لریده چمه‌سی ۱۱ کیشی هلاک بولیب و باشقه ۱۴ کیشی یره‌لنگن.
حوثی‌لر تامانیدن باشقریله‌دیگن المسیره تلویزیونی، یمن نینگ تورلی منطقه‌لری جمله دن حدیده و راس عیسی بندرلریده اۉیوشتیریلگن هوا هجوم‌لریده چمه‌سی ۱۷ کیشی هلاک بولگنینی معلوم قیلگن.
قیزیل دینگیز ده حوثی‌لر نینگ خلق‌ارا کېمه‌لرده هجوم‌لری طفیلی بیرینچی بار بیر قطار تینچ اهالی نینگ اۉلیشی و بیر کېمه چوکیشی‌دن سۉنگ، یمن ده بو هجوم‌لر اۉیوشتیریلگن.
حوثی‌لر غزه اوروشیده فلسطین‌لیکلرنی قۉللب-قوتلش اوچون، قیزیل دینگیز و عدن خلیجی دن قتنه‌یدیگن خلق‌ارا کېمه‌لرنی راکت و پهپاد بیلن نشانگه آلماقده‌لر.
