ییتّی گروه ایران دن روسیه گه قورال یوباریشنی توخته‌تیشنی سوره‌دی
دنیا نینگ صناعتی رواجلنگن ییتّی مملکت تشقی ایشلر وزیرلری (ییتّی گروه) اوکراین دن حمایت‌لری گه دوام بیریش اۉستیگه تاکید اېتگنلر.
امریکا قوشمه ایالتلری، کانادا، بریتانیا، فرانسه، جرمنی، ایتالیا و جاپان دن عبارت ییتّی گروه برچه مملکت‌لردن روسیه اوروشینی قوللب-قوتلش اوچون مۉلجللنگن ایران نینگ اوچووچی‌سیز اوچاق‌لرینی یېتکیزیب بیریش گه یول قویمسلیک‌لرینی سوره‌گنلر.
ییتّی گروه تشقی ایشلر وزیرلری روسیه نینگ اوکراین گه هجومینی «بیرلشگن ملتلر تشکیلاتی فرمانینی آچیقدن-آچیق بوزیش» دیب و «برچه توپراق‌لری نینگ مستقل‌لیگی، حاکمیتی و اوشبو مملکت نی قوللب-قوتلش گه» دوام بیریش اۉستیگه تاکید قیلگنلر.
شونینگدیک ییتّی گروه تشقی ایشلر وزیرلری شمالی کوریا نینگ روسیه گه قورال-یراغ یوباریشینی هم قاره له‌گنلر.
اولر قوشمه بیانیه‌لریده «ایران نینگ هسته‌ای قورال بیلن تامینلنیشی و تهران تامانیدن یمن حوثی‌لری گه قورال-یراغ یوباریلیشینی بیرلشگن ملتلر تشکیلاتی خوفسیزلیک کینگشی نینگ ۲۲۱۶ قطع‌نامه‌سینی بوزیش و منطقه ده کېسکین‌لیکلر کوچه‌یش» عنوان قیلگنلر.
اوکراین و غرب مملکت‌لری بوندن آلدین ایران نینگ روسیه گه پهپاد و قورال-یراغ یوباریشی گه عاید دلیل نی اله‌‌قچان تقدیم اېتگن.
شو بیلن بیرگه، تهران هردایم بو ادعالرنی رد قیلگن.
