بدخشان ده طالبان نینگ جهادی مدرسه مسوولی بیر قیزنی تجاوز قیلیش عیبی بیلن توتقینگه آلیندی
۸صبح، بدخشان: بدخشان ده‌گی محلی منبعلر، فیض‌آباد شهری ده طالبان استخباراتی اوشبو گروه نینگ جهادی مدرسه مسوولی قاری عبدالبصیر نی، ۱۷ یاشر بیر قیز گه جنسی تجاوز قیلیش عیبی بیلن توتقینگه آلگنیدن خبر بیره‌دیلر.
منبعلر ۲۰ حمل، دوشنبه کونی ۸صبح کونده‌لیگی گه اوشبو خبرنی تصدیقلب ایتیشلریچه، قاری عبدالبصیر فیض‌آباد شهری حدودلری «دشت قرغ» قیشلاغیده اۉز شاگردی گه جنسی تجاوز قیلگن.
منبعلر گه کوره، طالبان نینگ جهادی مدرسه اوشبو مسوولی اۉتگن کون قیز عایله اعضالری نینگ شکایتیدن سۉنگ قولگه آلینگن.
منبعلر نینگ کوپه‌یتیریشیچه، واقعه قربانی بولگن قیز حاضر «حامله‌دار» دیر.
بدخشان طالبان محلی رسمی‌لری بوتوغریده رسمی شکلده حاضرگچه فکر-ملاحظه بیلدیرگن یوق.
بوندن آلدین طالبان اعضالری هم جنسی تجاوز قیلیش گه عیبلنگن اېدیلر.
اۉتگن ییل سنبله آی ده اشکمش تومنیده طالبان اولسوالی اۉرین باسری قاری احمدالله نینگ، ۲۲ یاشر قیز گه جنسی تجاوز قیلگنی حقیده گزارش‌لر ترقه‌لگندی.
