قیزیل خاچ بغلانده ۵۰۰ مینگ دالر قیمتیده‌گی طبی جهازلر و دارو یاردم بېردی
۸صبح، کابل: طالبان خلق‌ارا قیزیل خاچ کمیته‌سی بغلان ولایتیده‌گی طالبان ساغلیقنی سقلش باشقرمه‌سیگه قریب ۵۰۰ مینگ امریکا دالری قیمتیده‌گی طبی جهازلر، دارو-درمانلر و زمانوی واسطه‌لرینی یاردم صفتیده بېرگنینی معلوم قیلدی.
طالبان ساغلیقنی سقلش وزیرلیگی شنبه کونی، ۱۷-اسد، اعلان قیلگن بیاناتیده اوشبو یاردم ۴۰ دن آرتیق تورده‌گی طبی جهازلر، دارو-درمانلر و ایلغار اسکونه‌لرینی اۉز ایچیگه آلگنینی اَیتدی.
بغلان ولایت شفاخانه‌سی باش شفاکاری صدام حسین عرب‌نینگ اَیتیشیچه، اوشبو جهازلر و دارو-درمانلر قبول قیلینیشی بیلن ولایتده‌گی طبی واسطه‌لر و دارو-درمانلر تنقیصلیگی کتّه درجه‌ده برطرف اېتیله‌دی.
اونینگ قۉشیمچه قیلیشیچه، اوشبو یاردم بېمارلرگه یخشیراق و اۉز وقتیده طبی خدمت کۉرسه‌تیش امکانینی بېره‌دی.
بو حالت افغانستان ساغلیقنی سقلش تیزیمی منبعلر تنقیصلیگی، عیال شفاکارلر‌نینگ یېتیشمسلیگی و انسانپرورلیک یاردمی‌نینگ کمه‌ییشی کبی کېنگ کۉلملی معمالرگه دوچ کېله‌یاتگن بیر پیتده یوز بېرماقده.
