طالبان بدخشانده ۱۳۰ کیلوگرام مخدره مادّه تاپیلگنینی معلوم قیلدی
۸صبح، کابل: طالبان بدخشانده تۉرت کیشینی مخدره مادّهلر قاچاق اېتیشی بیلن باغلیق حالده حبسگه آلگنی و اولردن ۱۳۰ کیلوگرام مخدره مادّه همده ایکّی دانه قورال قۉلگه کیریتیلگنینی معلوم قیلدی.
طالبان نظارتیدهگی باختر اخبارات آژانسی شنبه کونی، ۴ مېزان، اوشبو شخصلر بدخشان ولایتینینگ تشکان تومنیگه قرهشلی حدودلرده حبسگه آلینگنینی خبر قیلدی.
طالبان ایچکی ایشلر وزیرلیگی هم حبسگه آلینگن شخصلر مخدره مادّهلر قاچاق اېتیشی گمانی بیلن انیقلنیب، قۉلگه آلینگنینی اَیتدی.
بو حالت مخدره مادّهلر قاچاق اېتیلیشی و ایشلب چیقریلیشی هنوز افغانستاندهگی کتّه معمالردن بیری بۉلیب، هر ییلی کۉپلب آدملرنی معتادلیککه دچار قیلهیاتگن بیر پیتده یوز بېرماقده.
بیرلشگن ملتلر تشکیلاتی هم افغانستانده معتادلیکنینگ آلدینی آلیش، معتادلیککه چلینگنلرنی دوالش و اولرنینگ ساغهییشیگه کۉمکلشیش بارهسیده یاردمنی دوام اېتتیریشگه دایما اورغو بېریب کېلگن.
