طالبان تخار ده بیش کیشینی مقاومت جبهه‌سی بیلن همکارلیک قیلیش عیبی بیلن قولگه آلدی
۸صبح، تخار: تخار ده‌گی محلی منبعلر نینگ ایتیشلریچه، طالبان استخباراتی ملی مقاومت جبهه‌سی کوچلری مذکور گروه نینگ بیر قرارگاهی گه هجوم قیلیشیدن سۉنگ بیش کیشینی قولگه آلگنلر.
منبعلر ۸صبح کونده‌لیگی گه ایتیشلریچه، بو کیشیلر ۵ حمل، یک‌شنبه کونی شام پیتی، تخار مرکزی تالقان شهریدن قولگه آلینگنلر
منبعلر گه کوره، طالبان تامانیدن قولگه آلینگن کیشیلر تالقان شهری حدودلری «نهرچمن» منطقه یشاوچیلری دیر.
طالبان مذکور بیش کیشینی اوی‌لریدن قولگه آلگن دیدی، منبعلر.
منبعلر نینگ معلوماتی اساسیده، مقاومت جبهه‌سی نهرچمن منطقه‌‌سیده طالبان نینگ بیر قرارگاهی گه هجوم قیلیشیدن کیین، بو گروه ۵ حمل، یک‌شنبه کونی بو منطقه ده اویمه-اوی تېکشیریشنی باشله‌گن.
مقاومت جبهه‌سی نینگ ادعاسی گه کوره، بو هجوم‌ده طالبان نینگ بیر جنگریسی اۉلدیریلگن و باشقه اوچ عضوی یره‌لنگن.
عین‌حالده، نیچه کون آلدین تخار ده طالبان اوچ مسجد امامینی جمعه نمازی خطبه‌لریده اوشبو گروه رهبری هبت‌الله آخوندزاده نینگ آتینی توتمسلیک سبب قولگه آلیب و نامعلوم جای گه آلیب کېتگن اېدیلر.
مذکور مسجد امام‌لری نینگ تقدیریدن حاضرگچه هېچ خبر یوق.
