طالبلر سابق بیر حربینی اولدیردی
۸صبح، کابل: منبعلر، طالبلر تامانیدن بیر سابق حربی اولدیریلگنیدن خبر بیرگنلر.
منبعلر ۱۰-سنبله، دوشنبه کونی طالبلر سابق حکومت خاص قطعه عسکرلریدن بیری ولید نعیمینی اولدیرگنینی ایتگنلر.
منبعلر گه کوره، اوشبو سابق حربی پنجشیر ولایتیدن ایکن.
منبعلر، مذکور سابق حربینینگ جسدی ۱۵ کون لادرک بولگنیدن سۉنگ طالبلرنینگ عدلی طبیده تاپیلگنینی قوشیمچه قیلهدیلر.
بو سابق حربینینگ اولدیریلیشی حقیده تفصیلات بیریلمهگن.
منبعلر اوتگن کون کابلده باشقه بیر سابق حربی حبس گه آلینگنیدن خبر بیرگن.
منبعلر گه کوره، طالبلر محمد کبیر اسملی بیر سابق حربینی ایراندن قیتگنیدن کېین، کابل شهری ییتینچی ناحیهسیدن حبس گه آلگنلر.
بوندن اول، بیرلشگن ملتلر تشکیلاتی سابق حربیلر ایراندن قیتگنلریدن سۉنگ طالبلر تامانیدن حبسگه آلینیشی و قییناقلنیشینی مستند قیلگن ایدی.
