بیرلشگن ملتلر تشکیلاتی اروپا اتفاقی یاردمی بیلن لوگرده عیاللر اوچون ساغلیقنی سقلش خدمتلری کۉرسه‌تیله‌یاتگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ اهالی جمغرمه‌سی (UNFPA) اَیتیشیچه، اروپا اتفاقی‌نینگ یاردمی بیلن لوگر ولایتیده‌گی عیاللر اوچون صفتلی آنه‌لیک مراقبتلر و خوفسیز توغروق خدمتلری کۉرسه‌تیلماقده.
اوشبو تشکیلات دوشنبه کونی، ۲۶ اسد، لوگرده‌گی آنه و چقه‌لاقلر مراقبتی مرکزی اروپا اتفاقی‌نینگ یاردمیده همده افغانستان دایه‌لر اویوشمه‌سی تامانیدن بیرلشگن ملتلر تشکیلاتی بیلن همکارلیکده آنه‌لیک سلامتلیگی خدمتلرینی تقدیم اېته‌یاتگنینی خبر قیلگن.
حساباتگه کۉره، اوشبو مرکز ساغلیقنی سقلش خدمتلریدن فایده‌لنیشده تۉسیقلرگه دوچ کېله‌یاتگن عیاللرگه اختصاص‌لشتیریلگن و صفتلی مراقبت خدمتلرینی ترقه‌تدی.
بیرلشگن ملتلر تشکیلاتی‌نینگ اهالی جمغرمه‌سی اَیتیشیچه، اختصاص‌لشتیریلگن مراقبت و اۉز وقتیده قرار قبول قیلیش حامله‌دارلیک و توغروق دوریده‌گی خوفلرنی کمه‌یتیریب، خوفسیز توغروق اوچون شرایط یره‌تیشی ممکن.
اَیتیشلریچه، بو خدمتلر، اینیقسه، توغروقدن آلدینگی پرورش خدمتلریدن فایده‌لنیش امکانیتی چېکلنگن یاکه ایلگری حامله‌دارلیک بیلن باغلیق معمالرگه دوچ کېلگن عیاللر اوچون مهم اهمیتگه اېگه.
