جهان ساغلیقنی سقلش تشکیلاتی بامیان ولایت شفاخانه‌سی لابراتوار‌ی‌نینگ زمانه‌وی اسکونه‌لر بیلن جهازلنیب اونینگ صلاحیتی آشیریلگنی حقیده خبر بېردی
۸صبح، کابل: جهان ساغلیقنی سقلش تشکیلاتی (WHO) بامیان ولایت شفاخانه‌سی‌نینگ «مولکولی لابراتوار‌ی» زمانه‌وی اسکونه‌لر بیلن کوچه‌یتیریلگنی و اونینگ تحلیل اۉتکزیش صلاحیتی آشیریلگنینی معلوم قیلدی.
اوشبو تشکیلات یک‌شنبه، ۱۵-سنبله، ایکس صحیفه‌سیده بو چاره اروپا اتفاقی یاردمیده عملگه آشیریلگنی و طبیات خادملریگه تېزراق همده انیقراق تشخیص قۉییش امکانینی بېریشینی یازگن.
حساباتگه کۉره، حاضر بامیان و قۉشنی ولایتلرده یشاوچی مینگلب کیشیلر اویلریگه اېنگ یقین جایده یخشیلنگن خدمتلریدن فایده‌لنیشلری ممکن.
بامیان ولایت شفاخانه‌سی لابراتوار‌ی مسوولی عبدالحمید صفدری اوشبو یاردم بېمارلرگه تېزراق و ایشانچلیراق تشخیص قۉییش امکانیتلرینی آشیرگنینی اَیتگن.
جهان ساغلیقنی سقلش تشکیلاتی خدمتلرینی کوچه‌یتیریش اهالی‌نینگ صفتلی طبی خدمتلردن فایده‌لنیش امکانیتینی یخشیلشی ممکنلیگینی تأکیدله‌گن.
