طالبان مشهور تیک‌تاک فعالی «کاکا ملک»نی حبسگه آلدی
۸صبح، کابل: طالبان نینگ امربالمعروف و نهی عن المنکر محتسب‌لری، مشهور تیک‌تاک فعالی ملک اکبر (کاکا ملک)نی حبسگه آلیب، اوشبو گروه محکمه‌سیگه تقدیم اېتدی.
سیف الاسلام خیبر، طالبان نینگ امربالمعروف و نهی عن المنکر وزیرلیگی سۉزچیسی، ۸ – قوس، شنبه کونی، ملک اکبر نینگ حبسگه آلینگنی حقیده ویدېو بیلن خبر بېردی.
او قۉشیمچه قیلیشچه: «بو کیشی، یاشی کته بۉلیشی‌گه قره‌مه‌ی، اسلامی و اخلاقی قدریت‌لر بیلن ضد بۉلگن ایشلرنی قیلگن، بو اېسه کته جنایت حسابلنه‌دی.»
ویدېوده ملک اکبر جبردن تن آلگنیچه، تیک‌تاک و یوتیوب‌ده فعالیت یوریتیش «ناتۉغری» حسابلنه‌دی.
ملک اکبر، ۷۰ یاشده بۉلیب، لوگر ولایتیدن، و او سۉنگگی پیت‌لرده تیک‌تاک‌ده فعالیت آلیب بارگن.
شو بیلن بیرگه، طالبان نه‌فقط عامه‌وی اخبارات واسطه‌لریگه، بلکه یوتیوب و تیک‌تاک فعالیتی‌گه هم چېکلاو قۉیگن.
اعلان قیلینگن خبرلرگه کۉره، حاضرگچه تیک‌تاک و یوتیوب‌ده فعالیت یوریتگن بیر قنچه شخص‌لر طالبان نینگ امر-بالمعروف و نهی عن المنکر اداره‌سی تامانیدن اولر نینگ مضمونی طالبان اصول‌لری بیلن ضدیتلی دېب تاپیلگنی سببلی حبسگه آلینگن.
