ترمپ ینه بایدننی امریکانینگ افغانستاندن چیقیب کېتیشی اوچون تنقید قیلدی
۸صبح، کابل: امریکا سابق جمهور رییسی و بو مملکت کېلگوسی سیلاولری اوچون جمهوریتچی حزبی نینگ نامزدلریدن دونالد ترمپ، بو مملکت نینگ عملده‌گی جمهور رییسی جوبایدن نینگ سیاستلریگه هجوم قیلیب، بگرام حربی قرارگاهی همده میلیارلب دالر بهاسی بۉلگن حربی جهازلر طالبلرگه تاپشیریلگنینی ینه بیر بار جدی تنقید آستیگه آلدی.
دبلیوان دبلیواونینگ گزارش بېریشیچه، ترمپ ۱۱ نوامبر شنبه کېچه‌سی، کابل‌نی ترک قیلیش برنامه‌سی جریانیده اۉلدیریلگن امریکا کوچلری عایله‌سی حضوریده اېسکی عسکرلر کونی مناسبتی بیلن آلینگن مراسمده نطق سۉزلب، بو مملکت حربیلری نینگ افغانستاندهگی فداکارلیکلری هیچ وقت اونیتیمسلیگینی تیلگه آلدی.
ترمپ جمهور رییسلیگی چاغیده داعش رهبری ابوبکر البغدادی و ایران سپاه پاسدران سابق قوماندانی قاسم سلیمانینی اۉرتهدن اېلتگنی تۉغریسیده‌گی فعالیتلریگه اشاره قیلیب، بیراق بایدن نینگ بگرام حربی قرارگاهی و میلیاردلب دالر بهاسی بۉلگن حربی بویوملرنی طالبلرگه تاپشیریب چیقنینی ایتدی.
عین حالدده، بایدن دولتی نینگ آرتگه چېکینیشی ترمپ اوچون سیلاو آلدی تبلیغاتیگه ایلنگن دیر.
شونینگدېک او بو صحبتلری جریانیده بایدننی امریکانینگ کنهه‌سربازلرینی حمایت قیلمگنلیکده هم عیبله‌دی.
سابق جمهور رییس «آق اویگه قیتگچ، همه‌میز ینه بیرگه کېله‌میز. اولر اوباما ماموریتی و بایدن تامانیدن کۉپ ییللیک خیانت، شرمنده‌لیک و اعتبارسیزلیکدن سۉنگ تاپگن صداقت، حرمت و قۉللب قووتلشگه ینه اېگه بۉله‌دیلر» دېدی او.
بایدن بو مملکت نینگ افغانستاننی فاجعه‌لی ترک قیلیشینی حمایت قیلیشیگه قره‌مه‌ی، امریکا قۉشمه ایالتلری نینگ عملده‌گی بیر قطار سیاستچیلری جمهور رییس نینگ بو قرارینی جدی تنقید قیلیب کېله‌دیلر.
آق اوی نینگ سابق ملی خوفسیزلیک مصلحتچیسی جیک سالیوان امریکا دنیانینگ یېریک دولتلری جمله‌دن روسیه و چین بیلن روپه ره بۉلیش اوچون تیارگرلیک آلیش مقصدیده افغانستاننی ترک قیلدی دېگن اېدی.
بوندن آلدین هم دونالد ترمپ اقش نینگ حربیلری افغانستاندن آلیب چیقیلیش لایحه‌سینی تنقید آستیگه آلیب بو مملکت نینگ یېریک حربی جهازلری «ترورچیلرگه» تاپشیریلدی دیېگن اېدی.
