ترمپ: ایران بیلن کېلیشوو بۉییچه یکونی قرارنی قبول قیله‌میز
امریکا جمهور باشلیغی دونالد ترمپ، ایران بیلن اوروشنی یکونلش بۉییچه کېلیشوو حقیده «یکونی قرار» قبول قیلینیشینی معلوم قیلدی.
الجزیره شنبه کونی، ۳۰ می، خبر بېریشیچه، ایران تشقی ایشلر وزیرلیگی سۉزلاوچیسی اسماعیل بقایی ایکّی تامان اۉرته‌سیده خبر المشووینی دوام اېته‌یاتگنیگه قره‌مه‌ی، هلی هېچ قنده‌ی کېلیشوو یکونلنمه‌گنینی ایتگن.
شو بیلن بیرگه، ایران اسلامی شۉرا مجلسی رئیسی و ایران نینگ باش مذاکره‌چیسی محمدباقر قالیباف، امریکا بیلن کېلیشوو «گپلر» اساسیده بهالنمسلیگینی، چونکه معیار «فقط عملیات» اېکنینی تأکیدله‌گن.
بو بیاناتلر تهران و واشنگتن اۉرته‌سیده‌گی مذاکره‌لر همده خبر المشووی دوام اېته‌یاتگن بیر پیتده ینگره‌ماقده، بیراق بو جریان بۉییچه حاضرچه انیق نتیجه حقیده خبر بېریلمه‌گن.
اۉتگن هفته دونالد ترمپ مذاکره‌لرده سیلجیش بارلیگینی معلوم قیلیب، اگر ایران بیلن کېلیشووگه اېریشیلسه، بو کېلیشوو «یخشی و تۉغری» بۉلیشینی همده بارک اوباما مأموریتی دوریده‌گی کېلیشوودن یخشیراق بۉلیشینی ایتگن اېدی.
