امریکا یېتکرمه‌سی: مهم دارو ذخیره‌لری توگه‌ب باره‌یاتگنیدن خواطر ترمپنینگ ایرانگه قرشی هجوملرنی کوچه‌یتیریشدن تییلیشیگه سبب بۉلدی
نیویارک تایمز امریکا رسمیلریگه تیه‌نیب خبر بېریشیچه، امریکا اوردوسی‌نینگ یقین شرقده‌گی کېسکین کمه‌ییب کېتگن اۉق-دارو ذخیره‌لری توگه‌ب قالیشیدن خواطر امریکا جمهور باشلیغی دونالد ترمپنینگ ایرانگه قرشی هجوملرنی کوچه‌یتیریشدن تیییلیشیگه سبب بۉلگن.
مذکور نشر شنبه کونی، ۲۵-جولای کونی خبر بېریشیچه، ماجرا‌نینگ کېنگه‌ییشی یقین شرقده الّه‌قچان کمه‌ییب باره‌یاتگن هوا مدافعه‌سی اۉق-دارولری ذخیره‌لرینی خوفلی درجه‌ده توگه‌تیب قۉییشی ممکن.
حساباتگه کۉره، آق اوی قرارلرینی قبول قیلیش جریانیدن خبردار بۉلگن ایکّی نفر امریکا رسمیسی ترمپنینگ ایرانگه نسبتاً یانده‌شوویده‌گی سۉنگگی اۉزگریش جمعه کونی اونینگ یوقاری مرتبه‌لی مصلحتچیلری و حکومت‌نینگ یوقاری لوازملی اعضالری بیلن اۉتکزیلگن ییغیلیشدن سۉنگ یوز بېرگنینی اَیتگن.
بو رسمیلر‌نینگ تأکیدلشیچه، یاپیق ییغیلیشلرده اساسا پنتاگون‌نینگ پاتریوت توتیب قالووچی راکت‌لری همده باشقه هوا مدافعه‌سی تیزیملری ذخیره‌لری‌نینگ کمه‌ییب باره‌یاتگنی محاکمه قیلینگن و عملیات مسأله‌لر یوزه‌سیدن فکر المشیلگن.
اولر‌نینگ سۉزلریگه کۉره، دونالد ترمپنینگ ایچکی دایره‌سیده‌گی جوده کم سانلی شخصلر کېسکینلیکنی کوچه‌یتیریش رېجه‌سینی عاقلانه دېب حسابله‌گن.
اسمی آشکار اېتیلمسلیک شرطی بیلن گپیرگن ینه بیر یوقاری مرتبه‌لی امریکا رسمیسی هم کېنگ کۉلملی حربی عملیاتلرنی قَیته باشلش ایراننی مذاکره‌لرگه قَیتریشیگه شبهه بیلدیرگن.
