یونیسف افغانستاندهگی ضعیف احوالده‌گی قیزلر اوچون تعلیم آلیش امکانیتینی یره‌تماقده
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) زۉرآورلیکدن جبر کۉرگن یاکه زۉرآورلیک خوفی آستیده بۉلگن قیزلر اوچون تعلیم آلیش و تورلی کۉنیکمه‌لرنی اۉرگنیش امکانیتینی یره‌تیب بېره‌یاتگنینی معلوم قیلدی.
اوشبو تشکیلات چهارشنبه عقرب، ۶ عقرب، ایکس صحیفه‌سیده یازیشیچه، یونیسف یاردمیده‌گی بیر تعلیم مرکزیده قیزلرگه کسب-هنر کۉنیکمه‌لری، جمله‌دن، کشته‌چیلیک اۉرگه‌تیلماقده.
یونیسف‌نینگ قۉشیمچه قیلیشیچه، بو مشغولاتلر قیزلرگه اۉزیگه بۉلگن ایشانچنی آشیریشگه، کېله‌جککه امید بیلن قره‌شگه و مستقللیک سری قدم تشلشگه یاردم بېره‌دی.
مذکور دستور افغانستانده یونیسف فرانسه یاردمیده عملگه آشیریلماقده. بو جریان طالبان حاکمیتگه قَیته کېلگنیدن کېینگی بېش ییل دوامیده قیزلر تعلیم آلیش و ایشلش حقوقیدن محروم اېتیلگن بیر شرایطده عملگه آشماقده.
