یونیسف: تعلیم‌گه سرمایه‌‌کیریتیش برچه باله‌لرگه اۉقیش امکانیتینی یره‌ته‌دی
۸صبح، کابل: بیرلشگن ملتلر تشکیلاتی نینگ باله‌لرنی حمایه جمغرمه‌سی (یونیسف) خبر بېریشیچه، همکار تشکیلاتلر نینگ تعلیم‌گه سرمایه‌سی باله‌لرگه مملکت نینگ برچه حدودلریده مکتبگه باریش و تېنگ تعلیم امکانیتلریدن فایده‌لنیش امکانینی بېره‌دی.
۱۵- دلو، چهارشنبه کونی، یونیسف ایکس صحیفه‌سیده شونده‌ی یازیشچه: بونده‌ی سرمایه بدخشان کبی حدودلرده‌گی صنفخانه‌لرنی باله‌لر اۉقی آله‌دیگن و حقیقتاً رواجلنه‌دیگن خوفسیز و قوله‌ی مکانگه ایلنتیره‌دی.
تشکیلات قۉشیمچه قیلیشیچه، ینگی دستکول‌لر، ینگی دفترلر، قلملر و اۉقیتیلگن اۉقیتووچیلر تعلیم صفتینی یخشیلشده مهم رۉل اۉینه‌یدی.
بیرلشگن ملتلر تشکیلاتی دایما تأکیدلب کېلیشیچه: مصافه‌ده‌گی حدودلرده تعلیمنی قۉللب-قوتلش نه‌فقط اۉقیشنی یخشیله‌یدی، بلکه باله‌لر و اولر نینگ عایله‌لریگه ینگی امید و انگیزه بېره‌دی.
بو آره‌ده یونیسف ایلگری، افغانستان تعلیم تیزیمی جدی معماگه دوچ کېلگن، ۱۰ یاشده‌گی باله‌لر نینگ ۹۰ فایزدن آرتیغی عادی متننی اۉقی آلمه‌یدی.
