یونیسف: اۉتگن آیده افغانستانده آلتّی میلیون کیشیگه ساغلیقنی سقلش بۉییچه خذمت کۉرستگن
۸صبح، کابل: بیرلشگن ملتلر تشکیلاتی نینگ باله‌لر جمغرمه‌سی (یونیسف) جاری ییل نینگ سپتامبر آییده اوشبو تشکیلات ۲۴۶مینگ ۷۹۲ باله و اولر نینگ حمایت قیلووچیلریگه، بیرمینگ ۱۳۴معلول باله‌لرگه پیش‌گیرانه حمایه خذمتلری، خوفلرنی کمه‌یتیریش و جواب بېریش خذمتلرینی کۉرسه‌تگنینی معلوم قیلدی.
۴- عقرب پنج‌شنبه کونی یونیسف اوشبو گزارشنی نشر قیلیب ایتیلیشیچه، اوشبو تشکیلات جاری ییل نینگ سپتامبر آییده افغانستاندهگی آلتّی میلیوندن آرتیق کیشیگه ساغلیقنی سقلش و آزیق آوقت خدمتلرینی کۉرسه‌تگن.
یونیسف خدمتلرینی آلگن آدملر نینگ یرمی بېش یاشگچه بۉلگن باله‌لر اېکنی بیلدیریلگن بو گزارشده.
اوشبو گزارشگه قره‌گنده، ۲۸۸مینگ ۵۵۵ کیشیگه مملکت نینگ ۱۶ ولایتیده یونیسف بیلن همکار بۉلگن تشکیلاتلر آرقلی تازه ایچیملیک سوو یره‌تیلگن.
بو تشکیلات سپتامبر آییده افغانستان خلقیگه یاردم کۉرسه‌تیش اوچون ضرور بۉلگن بودجه نینگ اتیگی ۴۸ فایزی اجره‌تیلگنینی قۉشیمچه قیلدی.
اوّلراق بیرلشگن ملتلر تشکیلاتی نینگ افغانستاندهگی باله‌لر جمغرمه‌سی (یونیسف) افغانستاندهگی قورغاقچیلیک، سوو تاشقینی و خوفسیزلیک طفیلی محتاجلر سانی ۲۹.۲ میلیون کیشیگه یېتگنینی معلوم قیلگن اېدی.
