یونیسف: افغانستانده ۱۸ میلیوندن آرتیق کیشی ساغلیقنی سقلش خدمتلریدن فایده‌لنیش امکانیگه اېگه بۉلدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) ۲۰۲۶-ییل‌نینگ دستلبکی آلتی آییده افغانستان بۉیلب ۱۸،۹ میلیوندن آرتیق کیشی اوشبو تشکیلات یاردمیده‌گی مرکزلر آرقه‌لی اساسی ساغلیقنی سقلش خدمتلریدن فایده‌لنیش امکانیگه اېگه بۉلگنینی معلوم قیلدی.
اوشبو تشکیلات دوشنبه کونی، ۲۶ اسد، افغانستاندهگی انسانپرورلیک وضعیت حقیده‌گی حساباتیده یونیسف یاردمیده‌گی ساغلیقنی سقلش خدمتلری مملکت‌نینگ برچه ۳۴ ولایتیده کۉرسه‌تیلگنینی اَیتگن.
یونیسف شونینگدېک، بو دورده ۶،۸ میلیون باله تۉییب-آوقت‌لنمسلیک بۉییچه سکری‌نینگدن اۉتکزیلگنی و تۉییب-آوقت‌لنمسلیکدن اذیت چېکه‌یاتگن ۳۶۳ مینگ ۸۱۰ نفر باله‌گه دوالش خدمتلری کۉرسه‌تیلگنینی معلوم قیلگن.
حساباتگه کۉره، ۵۵ مینگ ۹۳۷ نفر ضعیف، جمله‌دن، قَیتیب کېلگن باله‌لر و مکتبدن تشقریده قالگن باله‌لر تعلیم خدمتلریدن فایده‌لنگن بۉلیب، بو باله‌لر‌نینگ ۶۷ فایزینی قیزلر تشکیل اېتگن.
یونیسف اَیتیشیچه، آنه‌لر و باله‌لر اوچون نقد پول اۉتکزمه‌لری دستوری هم ۶۵ مینگ ۱۶۲ عایله‌گه یېتیب بارگن و اوندن جمعی ۵۷۶ مینگ ۲۷۹ کیشی فایده‌لنگن.
