یونیسف: افغانستان یاشلرینی کسبی کۉنیکمه‌لر تعلیمی بیلن قۉللب-قوّتله‌یمیز
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) افغانستان یاشلرینی، اینیقسه قیزلرنی، کسبی و رقملی کۉنیکمه‌لرنی اۉرگه‌تیش آرقه‌لی قۉللب-قوّتله‌یاتگنینی معلوم قیلدی.
اوشبو تشکیلات چارشنبه کونی، ۲۱-اسد کونی، ایکس صحیفه‌سیده یازیشیچه، یونیسف‌نینگ یاشلر اوچون تعلیم دستورلری دستورلش، تیکووچیلیک همده خدمت کۉرسه‌تیش و ترمیملش کبی کۉنیکمه‌لرنی اۉز ایچیگه آله‌دی.
یونیسف‌نینگ اَیتیشیچه، بو امکانیتلر یاشلرگه اۉز صلاحیتلرینی رۉیابگه چیقریش و کېله‌جگینی قوریشگه تیّارلنیشگه یاردم بېره‌دی.
تشکیلات قۉشیمچه قیلیشیچه، افغانستان یاشلرینی، اینیقسه، کۉنیکمه اۉرگه‌تیش ساحه‌سیده قۉللب-قوّتلش اولر اوچون ینگی امکانیتلر یره‌تیشی ممکن.
یونیسف افغانستان یاشلرینی قۉللب-قوّتلش حقیده خبر بېره‌یاتگن بیر پیتده، اولر‌نینگ کتّه قِسمی ایشسیزلیک همده تعلیم و ایش امکانیتلریدن فایده‌لنیشده‌گی چېکلاولر کبی معمالرگه دوچ کېلماقده.
