بیرلشگن ملتلر تشکیلاتی: ۳ مینگ‌دن آرتیق افغان عایله‌سی اوچون کۉکناری یېتیشتیریشگه مقابل امکانیت یره‌تدی
۸صبح، بدخشان: بیرلشگن ملتلر تشکیلاتی‌نینگ مخدره مادّه‌لر و جنایتچیلیککه قرشی کوره‌ش باشقرمه‌سی (UNODC) «افغانستانده مخدره مادّه‌لرگه قرشی کوره‌ش صلاحیتلرینی مستحکملش» لایحه‌سی آرقه‌لی بدخشانده‌گی ۳ مینگ‌دن آرتیق عایله‌گه کۉکناری یېتیشتیریشگه مقابل تیریکچیلیک منبعلرینی یره‌تگنینی معلوم قیلدی.
اوشبو تشکیلات پنج‌شنبه کونی، ۱۸ سرطان کونی، اۉزی‌نینگ ایکس صحیفه‌سیده اوشبو لایحه جاپان خلق‌ارا همکارلیک آژانسی (JICA) بیلن همکارلیکده عملگه آشیریلگنینی یازگن.
اوشبو اداره‌‌نینگ معلوماتیگه کۉره، مذکور دستور دایره‌سیده عایله‌لر اوچون برقرار و قانونی تیریکچیلیک امکانیتلری یره‌تیلگن بۉلیب، اولردن ۱۷۰۰ ته عایله عیاللر باشچیلیگیده‌گی عایله‌لردیر.
اوشبو تشکیلات عیاللر سوت محصولاتلرینی قَیته ایشلش، چارواچیلیک، عسل‌اریچیلیک و قۉ‌زی‌قارین یېتیشتیریش آرقه‌لی درآمد تاپیش امکانیتلریگه اېگه بۉلگنینی قۉشیمچه قیلگن.
بیرلشگن ملتلر تشکیلاتی اداره‌سی اوشبو تشکیلات ینه بېش ته سوغاریش تیزیمی قَیته تیکلنگنینی و ۲ مینگ ۶۶۰ هکتار اېکینچیلیک یېرلرینی سوو بیلن تأمینلش امکانیتی یره‌تیلگنینی اَیتگن.
شونینگدېک، بو تشبث مینگ‌دن آرتیق جیریب اېکینچیلیک یېرلریده ایشلب چیقریشنی آشیریش اوچون شرایط یره‌تگن.
