بیرلشگن ملتلر تشکیلاتی سوو تاشقینلریدن ضرر کۉرگن نورستانلیک عیاللرگه ساغلیقنی سقلش خدمتلری کۉرسه‌تیله‌یاتگنی حقیده خبر بېردی
۸صبح، کابل: بیرلشگن ملتلر تشکیلاتی‌نینگ اهالی جمغرمه‌سی (UNFPA) نورستانده سوو تاشقینلریدن ضرر کۉرگن عیاللرنی قۉللب-قوّتلش مقصدیده آنه‌لر سلامتلیگی بۉییچه طبی خدمتلر و روحې-اجتماعی یاردم کۉرسه‌ته‌یاتگنینی معلوم قیلدی.
مذکور تشکیلات چهارشنبه کونی، ۷-اسد، ایکس صحیفه‌سیده سوو تاشقینلریدن ضرر کۉرگن عیاللر ساغلیقنی سقلش و قۉللب-قوّتلش خدمتلرینی آلیش آرقه‌لی اوشبو آغیر شرایطنی یېنگیب اۉتیش اوچون یاردم آله‌یاتگنینی یازدی.
بمت‌نینگ معلوم قیلیشیچه، اوشبو خدمتلر تشکیلات‌نینگ همکارلری بیلن همکارلیکده همده بریتانیا و چین خلق‌ارا ترقیات همکارلیگی آژانسی (CIDCA) یاردمیده تقدیم اېتیلماقده.
مذکور یاردملر نورستانده‌گی سۉنگگی سوو تاشقینلری عایله‌لرگه، اینیقسه عیاللر و باله‌لرگه کتّه ضرر یېتکزگن بیر پیتده کۉرسه‌تیلماقده.
طالبان سۉزلاوچیسی اۉرین‌باسری حمدالله فطرت، بوندن آلدین نورستانده‌گی سۉنگگی سوو تاشقینلری عاقبتیده کمیده ۲۴ کیشی جان بېرگنی و ینه ۸۵ کیشی یره‌لنگنینی معلوم قیلگن اېدی.
