بیرلشگن ملتلر تشکیلاتی: ایراندن قیتریلگن عیاللر ساغلیق خدمتلرگه ایریشیش بۉییچه معمالرگه دوچ کېلماقده
۸صبح، کابل: بیرلشگن ملتلر تشکیلاتی‌نینگ اهالی جمغرمه‌سی (UNFPA)نینگ ایتیشیچه، ایراندن افغانستانگه قیتریلگنیدن سۉنگ کۉپلب عیاللر ساغلیق خدمتلر و دستلبکی مراقبت واسطه‌لریگه ایریشیش باره‌سیده کۉپلب معمالرگه دوچ کېلماقده.
اوشبو تشکیلات یک‌شنبه کونی، ۳۱ جوزا، خبر بېریشیچه، قیتگن اَیریم عیاللر افغانستانگه کیرگنیدن کېین حتا اېنگ عادی مراقبت واسطه‌لرینی هم تأمینله‌ی آلمه‌یدی و ضعیف حالتگه توشیب قالماقده.
بیرلشگن ملتلر تشکیلاتی‌نینگ اهالی جمغرمه‌سی قۉشیمچه قیلیشیچه، اوشبو عیاللرنی قۉللب-قوّتلش اوچون اولرگه ساغلیق پاکتلر و روحی-اجتماعی یاردم خدمتلری ترقه‌تیلماقده.
مذکور تشکیلات بونده‌ی خدمتلر ایراننی هم اۉز ایچیگه آلگن قۉشنی مملکتلردن قَیتریلگن عیاللرنینگ روحی و جسمانی سلامتلیگینی مستحکملشده مهم رۉل اۉینه‌شینی تأکیدله‌گن.
خلق‌ارا تشکیلاتلر دایمی روشده آگاهلنتیریب کېلیشیچه، قۉشنی مملکتلردن قیتگن عیاللر و باله‌لر جمعیت‌نینگ اېنگ ضعیف قتلملری حسابلنه‌دی همده شاشیلینچ انسانپرورلیک یاردمی و قۉللب-قوّتلشگه محتاج دیر.
