امریکا و چین تیک‌تاک بۉییچه کېلیشووگه اېریشدی
مادریدده اۉتکزیلگن اقتصادی مذاکره‌لردن سۉنگ، امریکا مالیه وزیرلیگی ایکی تامان تیک‌تاک علاوه‌سی کېله‌جگی باره‌سیده دستلبکی کېلیشووگه اېریشگنینی اعلان قیلدی.
سی‌بی‌اس خبریگه کۉره، ۱۵- سپتامبر، دوشنبه کونی، امریکا مالیه وزیری اسکات بسنت، بو کېلیشوو، تیک‌تاک‌که امریکا بازاریده اۉز فعالیتینی دوام اېتتیریش امکانینی بېریشینی ایتگن.
بو قرار ایلگریراق، ۱۷- سپتامبردن باشلب تیک‌تاک‌نی امریکاده یاپیش حقیده‌گی جدی تهدیدلر دایره‌سیده قبول قیلینگن.
امریکا، اگر علاوه اېگه‌لیگی امریکالیک شرکت‌لریگه اۉتکزیلمسه، تیک‌تاک فعالیتی توخته‌تیله‌دی دیب، آگاهلنتیرگن ایدی.
سی‌بی‌اس نینگ قید اېتیشیچه، مذکور کېلیشوو ایکی مملکت اۉرته‌سیده‌گی تجارت و خوفسیزلیک بۉییچه کېسکینلیکنی کمه‌یتیریشگه یاردم بېره‌دی همده دنیا نینگ اېنگ سیوملی اجتماعی ترماقلریدن بیری نینگ امریکاده ایشلشینی دوام اېتتیریش یۉلینی آچه‌دی.
بسنت، کېلیشوونی یکونی شکلگه کېلتیریش اوچون ترمپ وشی جین‌پینگ جمعه کونی مذاکره اۉتکزه‌دیلر دیب، معلوم قیلگن.
حاضرچه کېلیشوو تفصیلاتلری تۉلیق آچیقلنمه‌گن و تامانلر اونینگ اجرا باسقیچلرینی کۉریب چیقماقده.
