امریکا جمهورلیک ریاستی سیلاوی؛ ترامپ حزبی ده رقیب‌سیز
امریکا جمهورلیک ریاستی سیلاوی نینگ جمهوری‌خواه نامزدی نیکی هیلی، دونالد ترامپ برابریده اوشبو مملکت نینگ ۱۴ ایالتی ده مغلوب بولیشیدن سۉنگ، بو حزب نینگ باشقه نامزدلری سیلاو گه رقابت قیلیش دن واز کېچگن.
هیلی ۶ مارچ، چهارشنبه کونی بیر بیانیه ترقه‌تیب بو موضوع نی اعلام و ترامپ گه اۉستون‌لیک آرزو قیلگن.
شو بیلن بیرگه، ترامپ امریکا جمهورلیک ریاستی سیلاوی اوچون جمهوری‌خواه حزبی نینگ یگانه نامزدی دیر.
هیلی یالغیز بیر ایالت‌ده غلبه قازانگن، بوندن آلدین ترامپ نی آق‌سرای گه کېریش اوچون صلاحیت‌سیز و «روانی» عنوان قیلگن اېدی.
امریکا سابق جمهور باشلیغی دونالد ترامپ بو مملکت نینگ حاضرگی جمهور باشلیغی جوبایدن بیلن، امریکا نینگ کېله‌سی سیلاوی ده رقابت قیله‌دی.
ایتیش کېره‌ک که ترامپ ۵ مارچ، سه‌شنبه کونی مقدماتی ۱۴ سیلاو ده جمهوری‌خواه‌لر نینگ مقدماتی ۱۵ رقابتیده غلبه قازانگن.
ان‌بی‌سی‌نیوز نینگ گزارشی اساسیده، ترامپ ۹۹۵ نماینده‌لیک هیات نینگ آوازینی قولگه کېریتگن، عین‌حالده اونینگ رقیبی نیکی هیلی اوشبو هیات نینگ یالغیز ۹۹ آوازینی قولگه کېریتگن.
ترامپ جمهوری‌خواه‌لر نینگ نامزدی بولیشی اوچون بیر مینگ ۲۱۵ نماینده‌لیک هیات آوازینی قولگه کېریتیشی کېره‌ک.
عین‌حالده دموکرات حزب رقیبی بایدن نیازی بولگن بیر مینگ ۹۶۸ آواز دن بیر مینگ ۴۹۷ آوازنی قولگه کېریتگن.
امریکا جمهورلیک ریاستی سیلاوی میلادی اوشبو ییل نوامبر آی ده بولیب اۉتیشی کوتیله‌دی.
تېکشیروولر گه کوره، آواز بیرووچیلردن بیر قنچه‌سی اوشبو سیلاو گه بایدن یا که ترامپ نینگ قیته تنلنیشینی اېستمه‌یدیلر.
