امریکا تشقی ایشلر وزیرلیگی: واشنگتن ملی منفعتی اوچون طالبان بیلن همکارلیک قیله‌دی
۸صبح، کابل: امریکا قۉشمه ایالتلری تشقی ایشلر وزیرلیگی نینگ سۉزلاوچیسی ودانت پایتل گه کوره، واشنگتن ملی منفعتینی قوریقلش اوچون طالبان بیلن همکارلیک قیله‌دی.
پاتل ۱۱ ثور، سه‌شنبه کونی خبری بیر ییغیلیشده ایتیشیچه، «افغانستان خلقیینی قۉللب-قوتلش و امریکا قۉشمه ایالتلری نینگ منلی منفعتینی» قوریقلش اوچون طالبان بیلن بونده‌ی همکارلیک قیلیش ضروری دیر.
اونگه کوره، بونده‌ی همکارلیک طالبان تورمه‌خانه‌سیده بولگن امریکالیک‌لر نینگ قوییب یوباریش اوچون مستقیم مذاکره قیلیش گه هم زمینه یره‌ته‌دی.
امریکا تشقی ایشلر وزیرلیگی سۉزلاوچیسی اۉرین باسری نینگ کوپه‌یتیریشیچه، طالبان بیلن اوشبو مملکت نینگ همکارلیک قیلیشی تروریزم گه قرشی کوره‌ش گه زمینه یره‌تیب و افغانستانده انسان حقلری مسأله‌لری واشنگتن نینگ کون ترتیبی گه کېریتیله‌دی.
امریکا طالبان رژیمی بیلن همکارلیک قیلیشیدن عین‌حالده خبر بیرماقده، ینگی‌لیکده جینوا ده افغانستان ایلچی‌خانه‌سی و دایمی نماینده‌لیگی، مملکت ده انسان حقلری وضعیتی گه دایر ملی گزارشینی بیرلشگن ملتلر تشکیلاتی انسان حقلری کینگشی بیلن شریک قیلگن.
افغانستان وضعیتی گه دایر انسان حقلری ملی گزارشی ده، دنیا همجمعیت دن طالبان تامانیدن برچه شمول حکومت شکللنیب و انسان حقلری رعایت اېتیلگن حالده بو گروه بیلن همکارلیک قیلیشی سۉره‌لگن.
بو گزارش اساسیده، مملکت یشاوچیلری اینیقسه خاتین قیزلر سیستماتیک طرزده حقوق‌لریدن محروم اېتیلماقده دیر.
