جهان ساغلیقنی سقلش تشکیلاتی: قیزه‌میققه قرشی اېملش کمپاینی دایره‌سیده ۱۶ میلیون‌دن آرتیق باله اېملندی.
۸صبح، کابل: جهان ساغلیقنی سقلش تشکیلاتی (WHO) اۉزی‌نینگ ییللیک حساباتیده معلوم قیلیشیچه، قیزه‌میققه قرشی اېملش کمپاینی دایره‌سیده ۱۶،۶ میلیون باله اېملنگن.
تشکیلات پنج‌شنبه کونی، ۸ اسد، ایران و پاکستان بیلن چېگره‌ده‌گی یۉللریده ۱۸۹ مینگ‌دن آرتیق کیشی، جمله‌دن قَیتگن مهاجرلر دوالش و تروما بۉییچه طبی یاردم خدمتلریدن فایده‌لنگنینی معلوم قیلگن.
تشکیلات‌نینگ قۉشیمچه قیلیشیچه، ۲۰۲۵-ییلده معمالرگه تیّارگرلیکنی سقلب قالیش مقصدیده شاشیلینچ طبی جهازلر و ساغلیقنی سقلش یاردمینی یېتکزیب بېریش هم دوام اېتتیریلگن.
جهان ساغلیقنی سقلش تشکیلاتی‌نینگ ییللیک حساباتیگه کۉره، مملکت‌ده‌گی ۴۸۹ ته دوالش مرکزیگه ۲ مینگ ۹۷۸ تُن حیاتنی سقلب قالووچی طبی جهازلر و طبی ماتریاللر یېتکزیب بېریلگن.
مذکور تشکیلات‌نینگ ییللیک حساباتیگه کۉره، پولیو حالتلری ۲۰۲۴-ییلده‌گی ۲۵ ته حالتدن ۲۰۲۵-ییلده ۲۱ ته حالتگچه کمه‌یگن و ۱۸ میلیون باله پولیو واکسیننی آلگن.
شونینگدېک، تشکیلات سرطان کسللیگیگه چلینگن بېمارلرنی دوالشنی یخشیلش مقصدیده ملی سرطان شفاخانه‌سی قیته قوریلگنینی، ۵۰۰ مینگ امریکا دالریدن آرتیق قیمت‌ده‌گی سرطان دارو-درمانلری خرید قیلینگنینی همده افغانستانده ایلک رادیوتراپی (نور بیلن دوالش) خدمتلری مرکزینی تشکیل اېتیش جریانی باشلنگنینی معلوم قیلگن.
