8صبح، کابل: سفارت افغانستان در تاجیکستان با راه‌اندازی یک برنامه، از فرا رسیدن سال جدید خورشیدی تجلیل کرده است.
ظاهر اغبر، سفیر افغانستان در دوشنبه، پایتخت تاجیکستان، روز دوشنبه، ۲۹ حوت، با نشر توییتی نوشته است: «از سلاح‌ها نمی‌توان برای خاموش کردن آزادی فرهنگی استفاده کرد یا دستاوردهای تاریخی یک کشور را که در آن گنجانده شده است پاک کرد.»
او افزوده است که این جشن را با پناهنده‌گان افغانستان در تاجیکستان و شماری از چهره‌های دیگر در حالی تجلیل کرده‌اند که طالبان زنان را با انکار حقوق اولیه انسانی و اسلامی آن‌ها سرکوب و زندانی می‌کند.
این در حالی است که در آستانه جشن نوروز، طالبان برگزاری این جشن را در دایکندی ممنوع کرده و به مردم هشدار داده‌اند که اگر مراسمی برگزار کنند، با آن‌ها برخورد خواهند کرد.
وزارت امر به معروف طالبان در خبرنامه‌ای نوشته که «محتسبان» این گروه به مردم گفتند که «اسلام تجلیل نوروز را ممنوع قرار داده است.»
