غزه ده اسراییل اردوسی نینگ ۱۱ عسکری هلاک بولدی
خلق‌ارا یېتکیرمه‌لر نینگ گزارشی اساسیده غزه نینگ خان‌یونس منطقه‌سیده حماس کوچلری نینگ پستیرمه‌سیده اسراییل اردوسی نینگ ۱۱ عسکری هلاک بولگن.
فلسطین آژانسی سما، ۱۲ فبروری دوشنبه کونی، اۉز منبع‌لری گه تیه‌نیب اسراییل حربی کوچلری نینگ ۱۱ عسکری اۉلگنینی ترقه‌تگن.
شو بیلن بیرگه، نارسمی منبعلر نینگ ایتیشلریچه، اسراییل اردوسی سوزلاوچیسی دانیل هاگاری بوتوغریده خبری ییغین اۉتکزیشی کوتیله‌دی.
شونینگدیک اسراییل رادیو تلویزیونی ایضاح کېریتمسدن خان‌یونس ده اسراییل اردوسی نشانگه آلینگنیدن گزارش بیرگن.
اسراییل رسمی‌لری بوتوغریده حاضرگچه هیچ نرسه دېمه‌گنلر.
عین‌حالده اوتگن هفته تل‌آویو، اسراییل نینگ غزه گه هجومیدن حاضرگچه بو مملکت نینگ ۵۶۲ عسکری اولیب و ایکّی مینگ ۸۱۸ عسکری یره‌لنگنینی اعلام قیلگن.
بریتانیا کونده‌لیگی تلگراف، اسراییل حربی رسمی‌لریدن نقل قیلیب یازیشیچه، غزه ده اسراییل نینگ اولیب و یره‌لنگن حربی کوچلری سانی سونگی تورت سنه تلفاتی گه نسبتن کوپ دیر.
