اسراییل‌نینگ ینگی هوا هجوملریده ۱۹ فلسطینلیک هلاک بۉلدی
خلق‌ارا عاموی اخبارات واسطه‌لری خبر بېریشیچه، غزه‌ده‌گی سۉنگگی اسراییل هوا هجوملریده ۱۹ نفر فلسطینلیک هلاک بۉلگن.
اسوشیتدپرس پرس نشری، ۴- فبروری، چهارشنبه کونی، بو هجوملر باله‌لر، چقلاقلر و عیاللرنی نشانگه آلگنینی خبر قیلدی.
غزه ساغلیقنی سقلش اداره‌لری، هلاک بۉلگن بېش باله، جمله‌دن بېش آیلیک و ۱۰ کونلیک چقلاق، آره‌سیده اېکنینی تصدیقله‌دی.
اسراییل حربی رسمیسی اسوشیتدپرس گه ایتیشیچه، اسراییل غزه ده‌گی هجوملرینی دوام اېتتیره‌دی.
اوشبو هجوملر ۲۰۲۵-ییل ۱۰ اکتوبرده‌گی تینچلیک کېلیشوویدن کېین دوام اېتماقده و شو وقت ایچیده ۵۳۰ دن آرتیق کیشی هلاک بۉلگن.
خبرلرگه کۉره، اسراییل کوچلری غزه شِمالیده‌گی طفه محله‌سیده بیر گروه آدملرنی اۉققه توتیب، ۱۱ کیشی هلاک بۉلگن، اولر نینگ اکثریتی بیر عایله نینگ اعضالری بۉلگن.
حماس و مذاکره‌چیلر هجوملرنی قاره‌لب، اسراییلنی تینچلیک کېلیشووینی بوزیشده عیبله‌گن.
