پاکستانده ۲۶ کیشی هلاک بۉلدی؛ رویترز: امریکا کوچلری نمایشچیلرنی اۉققه توتگن
رویترز ترقه‌تگن خبرگه کۉره، امریکا کوچلری پاکستان‌نینگ کراچی شهریده اۉلدیریلگن ایران رهبری علی خامنه‌ای طرفدارلری بۉلگن نمایشچیلرنی اۉققه توتگن.
رویترز سه‌شنبه کونی، ۳-مارچ، خبر بېرییشیچه، نمایشچیلر کراچی‌ده‌گی امریکا قونسواللیگیگه باستیریب کیریب، امریکا حربی کوچلری‌نینگ اۉق اوزیشیگه دوچ کېلگن.
اوشبو خبرگه کۉره، پاکستانده‌گی سۉنگی ناراضیلیکلر نتیجه‌سیده ۲۶ کیشی هلاک بۉلگن.
رویترز شونینگدېک، بو شخصلر امریکا حربی کوچلری یاکه پاکستان پولیس کوچلری تامانیدن اۉققه توتیلیب جان بېرگنی حاضرگچه معلوم اېمس دېب خبر بېرگن.
خامنه‌ای اۉلدیریلگنیدن سۉنگ، اونینگ طرفدارلری پاکستانده کراچی، اسلام‌آباد و پنجابده‌گی امریکا دیپلوماتیک بنالریگه باستیریب کیرگن.
