دونالد ترمپ ایراننی امریکا بیلن کېلیشووگه اینتیله‌یاتگن مملکت دېب اته‌دی
امریکا جمهور باشلیغی دونالد ترمپ، ایرانگه بو مملکت سابق رهبری علی خامنه‌ای نینگ دفن مراسمینی اۉتکزیش اوچون «بیر هفته‌لیک تعطیل» بېرگنینی و تهران، امریکا بیلن کېلیشووگه اینتیله‌یاتگنینی دعوا قیلدی.
الجزیره ترماغی، شنبه کونی، ۴ جولای، بو حقده دونالد ترمپ اۉتگن کېچه امریکانینگ ۲۵۰ ییللیک بیره‌م طنطنه‌لرینی باشلش مراسمیده‌گی نطقیده ایتگنینی خبر بېردی.
خبرگه کۉره، دونالد ترمپ «مونت راشمور»ده سۉزله‌گن نطقیده کمونیزم تهدیدی و امریکانینگ حربی قدرتی حقیده هم گپیرگن.
ترمپ شونده‌ی دېدی: «بیز ونزویلانی بیر کونده مغلوب اېتدیک و ایراننی قتّیق مغلوب اېتدیک. اولر کېلیشووگه جوده اینتیلماقده؛ اولر جوده هم کېلیشووگه اېریشیشنی خواهله‌یدی.»
بو شونده‌ی بیرحالده دیر که امریکا جمهور باشلیغی، ایران بیلن بۉلگن اوروشدن آلدین هم بیر نېچه بار تهران امریکا بیلن کېلیشووگه اېریشیشنی ایسته‌یاتگنینی دعوا قیلگن.
