بحرین ایران بیلن همکارلیک قیلیش عیبی بیلن تۉقّیز کیشینی عمرباد قماق جزاسیگه حکم قیلدی
بحرین‌ده‌گی بیر محکمه ایران اسلامی انقلاب قۉریقچیلری قوشوونی بیلن همکارلیک قیلیش عیبی بیلن تۉقّیز کیشینی عمرباد قماق جزاسیگه، ینه ایکّی کیشینی اېسه اوچ ییل قماق جزاسیگه حکم قیلدی.
رویترز، یک‌شنبه کونی، ۲۴ می، خبر بېریشیچه، بو شخصلر بحرین‌گه قرشی «دشمنانه و ترورچیلیک حرکتلری» دېب تعریفلنگن فعالیت سبب عمرباد قماققه حکم قیلینگن.
حساباتگه کۉره، بحرین رسمیلری محکوم اېتیلگن شخصلر مخفی معلوماتلرنی ییغیش و اولرنی ایرانگه یېتکزیشده اشتراک اېتگنینی بیلدیرگن.
ایران و امریکا اۉرته‌سیده‌گی اوروش عرب دولتلری بیلن ایران اۉرته‌سیده‌گی سېزگیرلیکنی ینه‌ده کوچه‌یتیرگن.
بوندن آلدین هم بحرین‌ده اَیریم افغانستان اهالیسی ایران بیلن همکارلیک قیلیش عیبی بیلن محکمه اېتیلیشی حقیده خبرلر ترقه‌لگن اېدی.
