پاکستان: ایران و امریکا علی خامنه‌ای‌نینگ دفن مراسمیدن کېین مذاکره‌لرنی دوام اېتتیریشگه کېلیشیب آلدی
پاکستان تشقی ایشلر وزیرلیگی ایران و امریکا، ایران نینگ سابق رهبری علی خامنه‌ای نینگ دفن مراسمی اۉتکزیلگندن سۉنگ، امکان قدر اېنگ یقین وقتده مذاکره‌لرنی دوام اېتتیریشگه کېلیشیب آلگنینی معلوم قیلدی.
پاکستان تشقی ایشلر وزیرلیگی پنج‌شنبه کونی، ۲ جولای، ایکس صحیفه‌سیده اعلان قیلگن بیاناتیده قطرلیک و پاکستانلیک واسطه‌چیلرنینگ دوحهده ایران و امریکا مذاکره‌چیلری بیلن اوچره‌شگنی حقیده خبر بېردی.
بیاناتگه کۉره، اوشبو اوچره‌شوولرده سویس‌نینگ «لوسرن دریاچه‌سی» ییغیلیشی نتیجه‌لری اساسیده ایلگری سوریله‌یاتگن اسلام‌آباد شرطنامه‌سی بندلریگه عاید مسأله‌لر یوزه‌سیدن ایجابی یوتوقلرگه اېریشیلگن.
بیاناتده شونده‌ی دېیله‌دی: «تامانلر مذاکره‌لرنی کېینگی باسقیچده دوام اېتتیریشگه کېلیشیب آلدیلر همده نوبتده‌گی اوچره‌شوو ایران اسلام جمهوریتی سابق رهبری نینگ دفن مراسمی و دفن بیلن باغلیق تدبیرلر اۉتکزیلگندن سۉنگ، امکان قدَر اېنگ یقین وقتده تشکیل اېتیلیشی بېلگیلندی.»
ایران و امریکا هیاتلری فارس کۉرفزیده تامانلر اۉرته‌سیده یوزه‌گه کېلگن سۉنگگی کېسکینلیکلردن کېین قطر مېزبانلیگیده دوحهده مذاکره‌لر اۉتکزدی.
