پاریس‌ده قوراللی بیر کیشی نینگ هجومی عاقبتیده بیر کیشی جان بېرگن
فرانسه پایتختی پارس شهریده‌گی ایفل برجی یقینیده سیاحلرگه قرشی قوراللی بیر هجومده بیر کیشی هلاک بۉلگنی و باشقه ایکّی نفر یره‌لنگنی گزارش قیلیندی.
رویترز خبرگزارلیگی ۳- دسامبر یک‌شنبه کونی فرانسه ایچکی ایشلر وزیری جرالد دارونین‌گه اساسلب نشر قیلگن گزارشده، ۲۶یاشر اوشبو هجومچی حادثه‌نی صادر قیلگدن سۉنگ فرانسه خوفسیزلیک کوچلری آرقلی شوکر تازر قوراللی بیلن اوشلب آلینگن.
اونینگ قۉشیمچه قیلیشیچه اوشبو مظنون میلادی ۲۰۱۶ییلده باشقه بیر هجومنی ریجه‌لشتیرگنلیکده عیبله‌نیب تۉرت ییل آزادلیکدن محور قیلینگن و فرانسه خوفسیزلیک سرویسی نینگ نظارت لیستیده بۉلگن و روحی کسللیگی بارلیگی ایتیلگن.
هجوم کېچه نینگ بی‌وقتیده بجریلگنی ایتیلگن. بو اېرکک چاقو بیلن ایفل برجی نینگ یقینده‌گی سیاح بیر اېر و خاتینگه هجوم قیلیب و آلمانلیک بیر کیشینی یره‌لنتیرگن.
اونینگ تاکیدله‌شیچه، مذکور شخص سۉنگره پولیس تامانیدن کوزه‌تیلگن و قۉلگه آلینمسدن آلدین باشقه ایکّی کیشیگه هجوم قیلگن.
دارونین نینگ سۉزلریگه کۉره، مظمون ناراحت اېکنی حقیده پولیس‌گه ایتگن؛ چونکه کۉپینچه مسلمانلر افغانستان و فلسطین‌ده اۉلدیریله‌دی و شونینگدېک غزه نینگ وضعیتیدن هم ناراحت دیر.
ایتیش کېره‌ککه پاریس مرکزیده‌گی بو حادثه فرانسه پایتختی المپیک اۉیینلریگه میزبانلیک قیلمسدن سکّیز آی آلدین یوز بېرماقده.
